aespa ក្លាយជាក្រុមចម្រៀងនារីដំបូងគេ ដែលអាចបំបែកកំណត់ត្រាពិសេសមួយនេះ ជាមួយ Album «Drama»

កូរ៉េខាងត្បូង៖ ក្រុមចម្រៀងនារីកូរ៉េខាងត្បូងដ៏ល្បីឈ្មោះគឺ aespa បានបំបែកកំណត់ត្រាពិសេសមួយនៅលើ Hanteo ដែលគ្មានក្រុមចម្រៀងនារីកូរ៉េខាងត្បូងណាអាចធ្វើបានដូចឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ aespa ដែលជាក្រុមស្ថិតក្រោមទ្រនំផលិតកម្ម SM Entertainment បានធ្វើការវិលត្រឡប់មកលើឆាកចម្រៀងវិញជាមួយនឹង Album ខ្នាតតូចថ្មីរបស់ពួកគេមានឈ្មោះថា «Drama» ដែលទទួលបានសន្ទុះនៃការគាំទ្រខ្លាំងមែនទែន។

ក្នុងនោះ Hanteo បានប្រកាសថា «Drama» មានអ្នកទិញបានរហូតដល់ទៅ ១១៣០ ៣៧៩ បន្ទះឯណោះ នៅសប្តាហ៍ដំបូងដែលបានចេញលក់ (គិតចាប់ពីថ្ងៃទី១០ដល់ថ្ងៃ១៦ខែវិច្ឆិកា)។

វាបានធ្វើឲ្យ aespa ក្លាយជាក្រុមចម្រៀងនារីដំបូងគេដែលលក់អាល់ប៊ុមដាច់លើសពី១លានអាល់ប៊ុម សរុបទាំងអស់៣អាល់ប៊ុម នៅសប្តាហ៍ដំបូងនៃការចេញលក់។ គួរបញ្ជាក់ផងដែរថា អាល់ប៊ុមពីរទៀតគឺ «MY WORLDS» និង «Girls» ក៏មានអ្នកទិញលើសពីមួយលានបន្ទះនៅសប្តាហ៍ដំបូងដែលចេញលក់ផងដែរ៕  

ប្រភព៖: soompi

• រូបភាព
• តារាកូរ៉េ