មានកិត្តិយសណាស់! Rosé លេងស្ទាយ៍អាវធំ ចូលរួមពិធីផ្លូវការ ជាមួយសុភាពនារីទី១ Kim Keon Hee និង Jill Biden

អាមេរិក៖ Rosé ដែលជាសមាជិកម្នាក់របស់ក្រុមចម្រៀងនារីដ៏ល្បីឈ្មោះគឺ BLACKPINK បានអញ្ជើញឲ្យចូលរួមពិភាក្សាពីជំងឺផ្លូវចិត្ត នៅកម្មវិធី កិច្ចសហការសេដ្ឋកិច្ចនៅអាស៊ីប៉ាស៊ីហ្វិក (Asia-Pacific Economic Cooperation ឬ APEC) ដែលធ្វើឡើងនៅឯរដ្ឋ កាលីហ្វ័រញ៉ា សហរដ្ឋអាមេរិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ សុភាពនារីទី១របស់អាមេរិក និងកូរ៉េខាងត្បូងគឺ លោកស្រី Jill Biden និង Kim Keon Hee ក៏បានធ្វើការចូលរួមផងដែរ ដោយ Rosé ថែមទាំងបានអង្គុយពិភាក្សាជាមួយលោកស្រី Kim Keon Hee ទៀតផង។

ក្នុងនោះ Rosé បានចែករំលែកពីបទពិសោធន៍ផ្ទាល់ខ្លួន ជាមួយនឹងការមើលថែសុខភាពផ្លូវចិត្តខ្លួនឯង និងភាពសំខាន់នៃការឲ្យតម្លៃលើខ្លួនឯង និងស្គាល់ពីតម្លៃខ្លួនឯង ថាវាមិនចាំបាច់ឲ្យអ្នកដទៃមកវាស់វែងតម្លៃរបស់យើងម្នាក់ៗនោះឡើយ។

យ៉ាងណាមិញ បើងាកមកចាប់អារម្មណ៍លើស្ទាយ៍នៃការស្លៀកពាក់របស់នាងវិញ គឺមានភាពផ្លូវការនិងជះចំហាយអភិជនតែម្ដង ដោយ Rosé បានពាក់អាវធំពណ៌ខ្មៅ គូជាមួយខោខ្មៅជើងវែង ហើយធ្វើសក់ក្រងទៅម្ខាង ទម្លាក់សក់ខាងមុខបន្តិច អមជាមួយស្បែកជើងកែងពណ៌ខ្មៅដូចគ្នា គឺមើលទៅពិតជាផ្លូវការ និងស្រស់ស្អាតបែបស្រគត់ស្រគុំមែនទែន៕  

ប្រភព៖: allkpop

• រូបភាព
• តារាកូរ៉េ