យល់ដឹង៖ មនុស្សម្នាក់ៗតែងតែមានវិធីនៃការប្រើប្រាស់ជីវិត ផ្សេងៗពីគ្នា ដោយអ្នកខ្លះមានទម្លាប់អាក្រក់ច្រើនជាងទម្លាប់ល្អ ហើយអ្នកខ្លះទៀតមានទម្លាប់ល្អច្រើនជាងទម្លាប់អាក្រក់។
យ៉ាងណាមិញ ទម្លាប់ប្រចាំថ្ងៃខ្លះគឺអាចធ្វើឲ្យអ្នកមានជីវិតខ្លីជាងមុន ដែលអ្នកមិនបានកត់សម្គាល់ព្រោះសកម្មភាពទាំងនោះវាតូចតាច រហូតអ្នកមិនបានយកចិត្តទុកដាក់។ ខាងក្រោមនេះជាទម្លាប់ប្រចាំថ្ងៃ ដែលបង្កឲ្យអ្នកមានជីវិតខ្លីជាងមុន៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. នៅដល់យប់ជ្រៅពេក
បុគ្គលខ្លះ ជាពិសេសគឺយុវវ័យ មិនសូវចាប់អារម្មណ៍រឿងគេងនេះឡើយ ហើយបូកផ្សំរវល់នៅមើលរឿងភាគ ឬការកម្សាន្តតាមទូរស័ព្ទ ឬប្រព័ន្ធអេឡិកត្រូនិកផ្សេងៗផង ក៏មានទម្លាប់ចូលគេងយប់ជ្រៅខ្លាំង ដែលការធ្វើបែបនេះជារៀងរាល់ថ្ងៃ អាចបណ្ដាលឲ្យអ្នកឆាប់អាយុខ្លី ព្រោះយោងតាមការស្រាវជ្រាវបានបង្ហាញថា បើក្នុងមួយយប់ អ្នកគេងមិនបាន៦ម៉ោងទេ គឺមានភាគរយដែលអ្នកអាយុខ្លី ដល់ទៅ១២ភាគរយជាងអ្នកគេងបាន៨ម៉ោង។
![](https://s9.kh1.co/82/82d3e121c5e8990db53181ff2e12531791fc1b8f.png)
២. គេងច្រើនពេក
ការគេងត្រូវមានពេលវេលាកំណត់ត្រឹមត្រូវ មិនមែនចេះតែគេងៗទេ ព្រោះការគេងបានតិចក៏ប៉ះពាល់ ការគេងបានច្រើនលើសពេកក៏ប៉ះពាល់ដែរ។ យោងតាមការស្រាវជ្រាចុះផ្សាយដោយ PLOS One បានបញ្ជាក់ថា អ្នកដែលគេងលើសកម្រិត(ចាប់ពី៩ម៉ោងឡើង) មានហានិភ័យខ្ពស់នៃការមានអាយុខ្លី។
![](https://s9.kh1.co/83/8372a022297c3585b8550473d23146b7cf1d8973.png)
៣. ប្រើប្រាស់ទឹកលាងដៃច្រើនពេក
អ្នកគិតថាការប្រើប្រាស់ទឹកលាងដៃជាប់ជាប្រចាំគឺល្អ ព្រោះវាអាចជួយកម្ចាត់បាក់តេរីពីដៃអ្នក ក៏ដូចជាបង្ការការឆ្លងមេរោគផងដែរ ប៉ុន្តែការប្រើប្រាស់ច្រើនលើសកម្រិត គឺផ្ដល់ផលវិបាកទៅវិញទេ ដោយសារតែវាបានមជ្ឈដ្ឋានឲ្យបាក់តេរីខ្លះស៊ាំនឹងវា ហើយអាចពិបាកក្នុងការកម្ចាត់។
![](https://s9.kh1.co/c5/c57c917e7f9637938b5ffcd43388f9caceb019fc.png)
៤. មិនបំពេញការងារ
ការបំពេញការងារ ក៏ជាកិច្ចការមួយជួយឲ្យអ្នកមានខួរក្បាលសកម្មជាប្រចាំ អាចគិតគូវិភាគវែកញែក និងអាចជួយឲ្យអ្នកមានជីវិតដ៏សកម្មមួយផងដែរ ដូច្នេះបើសិនជាអ្នកខកខានបំពេញការងារយូរពេល ឬមួយអ្នកចូលនិវត្តន៍ទាំងអាយុនៅវ័យក្មេង(៥៥ឆ្នាំ) គឺអាចបណ្ដាលឲ្យអាយុអ្នកខ្លីជាងអ្នកដែលចូលនិវត្តន៍នៅអាយុ៦៥ឆ្នាំ នេះបើយោងតាមការស្រាវជ្រាវរបស់ The British Medical Journal ដោយសារការងារជួយឲ្យរាងកាយនិងខួរក្បាលរបស់អ្នកដំណើរការ ដុសខាត់ជារៀងរាល់ថ្ងៃ។
![](https://s9.kh1.co/54/54c09c02fad20182fcea313bfd4eddc7e7dddf9f.png)
៥. រស់នៅទីក្រុងមានការបំពុលសំឡេង
ការរស់នៅក្នុងទីក្រុងផ្ដល់ភាពងាយស្រួលដល់ជីវិតអ្នក តែក៏មានភាពអវិជ្ជមានដល់សុខភាពផងដែរ ដោយយោងតាមការស្រាវជ្រាវពី London School of Hygiene & Tropical Medicine បានបញ្ជាក់ថា ការរស់នៅជាមួយនឹងការបំពងសំឡេងយូរពេក អាចធ្វើឲ្យសម្ពាធឈាមរបស់អ្នកឡើងខ្ពស់ជាងធម្មតា ហើយនឹងឡើងអរម៉ូនស្ត្រេសផងដែរ។
![](https://s9.kh1.co/c2/c210bb693ad864e347912a067e1f71160b37f4a5.png)
៦. មានអត្តចរិតមិនល្អ
ការមានអត្តចរិតមិនល្អ ឆាប់ឆេវឆាវ ឆាប់មួម៉ៅ មិនមែនកើតឡើងដោយសារតែចរិតពីធម្មជាតិរបស់មនុស្សតែមួយមុខទេ គឺអាចដោយសារមកពីសុខភាពរបស់អ្នកដែរ។ ការឆាប់ខឹង មិនត្រឹមតែធ្វើឲ្យអ្នកមុខឆាប់ចាស់ទេ តែក៏ធ្វើឲ្យសម្ពាធឈាមរបស់អ្នកឡើងខ្ពស់ផងដែរ និងរងអាការៈស្ត្រេសច្រើនផងដែរ។
![](https://s9.kh1.co/cd/cd08463cb94f4b0bbe1161f9509a10dc682ab4f4.png)
៧. ប្រើប្រាស់គ្រឿងអេឡិកត្រូនិកច្រើនពេក
ការប្រើប្រាស់ឧបករណ៍អេឡិកត្រូនិក មិនថាកំព្យូទ័រ ឬទូរស័ព្ទ យូរទៅគឺអាចធ្វើឲ្យស្បែករបស់អ្នកមានភាពយារធ្លាក់។ យោងតាមការសិក្សានៅជប៉ុន គឺពន្លឺពណ៌ខៀវ (Blue Light) គឺជះចូលជ្រៅទៅក្នុងស្បែកបានច្រើនជាងពន្លឺព្រះអាទិត្យទៅទៀត។ ម្យ៉ាងទៀត ករបស់ពួកគេក៏ចាប់ផ្ដើមមានស្នាមផ្នត់ និងមានភាពយារធ្លាក់ដែរ ដែលដោយសារអង្គុយមិនត្រង់ខ្លួន ចេះតែឱនឈ្ងោកមើលទូរស័ព្ទ ដែលធ្វើឲ្យខូចសរីរាង្គ សរសៃឈាម ផងដែរ។
![](https://s9.kh1.co/33/33796c58539bff355ce3df9937a26b61f60c6848.png)
៨. ផឹកទឹកចេញពីដបផ្លាស្ទិក
ការផឹកទឹកចេញពីផ្លាស្ទិកច្រើនពេក អាចបណ្ដាលឲ្យអ្នកកើនសារធាតុ Xenoestrogens ក្នុងខ្លួន បណ្ដាលឲ្យកើតជំងឺដូចជាមហារីកសុដន់ និងគីសជាដើម និងបង្កើនហានិភ័យនៃជំងឺ ទឹកនោមផ្អែមប្រភេទ២ ព្រមទាំង ជំងឺបេះដូង៕
![](https://s9.kh1.co/93/9377b06be54a2e7b9c94f7ddf2c9eab7a575d606.png)
ប្រភព៖: thelist
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]