ជាប្រវត្តិសាស្ត្រ MU Portugal ស្រ្តីកែភេទដំបូងបង្អស់ អាចមានឱកាសចូលTop20 លើឆាកMiss Universe 2023

កម្សាន្ត៖ បណ្ដាអ្នកគាំទ្រវិស័យបវរកញ្ញា ពិតជាបានដឹងរួចមកហើយថា ក្នុងឆ្នាំនេះស្ត្រីកែភេទចំនួន២ប្រទេស មានឱកាសចូលរួមប្រកួតលើឆាកMiss Universe លើកទី៧២ នៅក្នុងឆ្នាំ២០២៣នេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាលទ្ធផល មុននេះបន្តិច បវរកញ្ញាកែភេទដែលជា Miss Universe Portugal ដែលជាស្ត្រីកែភេទ បានបំបែកកំណត់ប្រវត្ដិសាស្ត្រថ្មី អាចឈានជើងចូលTop20 ក្នុងកម្មវិធីបវរកញ្ញា Miss Universe ដែលកំពុងធ្វើឡើងនៅក្នុងប្រទេស El Salvador។ 

ពិតណាស់ ទន្ទឹមនឹងស្ត្រីកែភេទរូបនេះ បានចូលដល់ Top20 គេឃើញមានមហាជនជាច្រើន បានចូលរួមអបអរទៅកាន់នាង ដែលនាងអាចមានឱកាសចូលTopកំពូលលើឆាកប្រកួត បវរកញ្ញាចក្រវាឡលើកទី៧២នេះ បានយ៉ាងដូច្នេះ។ គួរបញ្ជាក់ផងដែរថា បវរកញ្ញារូបនេះ នាងមានឈ្មោះ Marina Machete អាយុ ២៨ឆ្នាំ និងជាអ្នកបម្រើការលើយន្តហោះ ក្លាយជានារីកែភេទដំបូងគេ ដែលឈ្នះមកុដ Miss Universe Portugal ហើយជាស្ត្រីកែភេទ ដំបូងគេបង្អស់បានបំបែកកំណត់ត្រាប្រវត្ដិសាស្ត្រថ្មី អាចឈានជើងចូលTop20 ក្នុងកម្មវិធី Miss Universe 2023នេះ៕

• រូបភាព