នៅឬទៅ? ដឹងអនាគត BLACKPINK ជាមួយផលិតកម្ម YG ហើយ

កូរ៉េខាងត្បូង៖ អនាគតរបស់ក្រុមចម្រៀងនារីកូរ៉េខាងត្បូងដ៏ល្បី BLACKPINK ជាមួយផលិតកម្ម YG Entertainment ហាក់មានភាពស្រពេចស្រពិល បន្ទាប់ពីលេចឮពាក្យចចាមអារ៉ាមថា សមាជិកដែលព្រមបន្តកុងត្រាថ្មីជាមួយ YG មានតែ Rose ម្នាក់ប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ កុងត្រារបស់សមាជិក Jennie, Jisoo, Rose និង Lisa ជាមួយ YG នឹងអស់សុពុលភាពនៅខែវិច្ឆិកានេះហើយ មានន័យថា ពួកគេអាចចាកចេញពីផលិតកម្មទៅចូលរួមជាមួយទ្រនំថ្មីបាន។

យ៉ាងណាមិញ យោងតាម allkpop រាយការណ៍ពីស្ថានភាពចុងក្រោយនេះ គឺ សមាជិក BLACKPINK ទាំងអស់បានយល់ព្រមបន្តកុងត្រាថ្មីជាមួយ YG ហើយ តែមិនមែនជាប្រភេទកុងត្រាផ្ដាច់មុខនោះឡើយ គឺសមាជិកទាំងអស់អាចចុះកុងត្រាជាមួយផលិតកម្មថ្មី ពាក់ព័ន្ធនឹងការងារផ្ទាល់ខ្លួន ដែលមិនពាក់ព័ន្ធនឹងក្រុម។

Munhwa Ilbo បានចុះផ្សាយថា មានសមាជិកពីរនាក់ដែលមិនបញ្ចេញឈ្មោះបានចុះកុងត្រាមិនផ្ដាច់មុខនេះរួចរាល់ហើយ ខណៈពីរនាក់ទៀតកំពុងស្ថិតក្នុងការចរចា៕  

ប្រភព៖: koreaboo

• រូបភាព
• តារាកូរ៉េ