ស្មានតែ Charlie Puth រៀបការជាមួយគូស្នេហ៍ហើយ តែការពិត...

បរទេស៖ ថ្មីៗនេះ តារាចម្រៀងដ៏ល្បីឈ្មោះ លោក Charlie Puth ស្រាប់តែបានធ្វើឲ្យហ្វេនៗភ្ញាក់ផ្អើល ក្រោយពីបានបង្ហោះរូបថតមួយសន្លឹក ជាមួយគូដណ្តឹង Brooke Sansone ដើរកាន់ដៃគ្នាឡើងផ្អែមល្ហែម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តាមរយៈរូបភាពនោះដែរ តារាចម្រៀងប្រុសរូបនេះ បានតុបតែងខ្លួនពាក់អាវធំ ដាក់ផ្កា ហើយគូដណ្តឹងរបស់លោក ក៏បានកាន់ភួងផ្កាក្នុងដៃ ពោរពេញដោយស្នាមញញឹម ដូចគូស្វាមីភរិយាថ្មី ក្នុងថ្ងៃរៀបការ។

ហើយភ្លាមៗនោះ អ្នកគាំទ្រជាង ១ លាននាក់ បានទម្លាក់បេះដូង បង្ហាញពីការពេញចិត្ត ក្នុងពេលដំណាលគ្នា ដោយនៅក្នុងរួមទាំង តារាចម្រៀងស្រី Katy Perry និងតារាចម្រៀងរ៉េប Lil Mabu ក៏បានចូលរួមអបអរសាទរ Charlie Puth ទៀតផង។

តែទោះជាយ៉ាងណា ​ការ​ពិត​នៅពីក្រោយរូបភាពនេះ ត្រូវបានគេដឹងថា គឺជារូបថត ដែលគូស្នេហ៍មួយគូនេះ បានថតក្នុងពិធីមង្គលការរបស់បងប្រុស Brooke Sansone កាលពីប៉ុន្មានខែមុននេះ។ យ៉ាងណាមិញ បើទោះបីជា រឿងនេះធ្វើឱ្យអ្នកគាំទ្រមានការសោកស្តាយបន្តិចក៏ពិតមែន ប៉ុន្តែក៏បានធ្វើឱ្យពួកគេ រំពឹងថាគូស្នេហ៍មួយគូនេះ នឹងក្លាយជាតួអង្គសំខាន់ក្នុងពិធីមង្គលការរបស់ពួកគេ ក្នុងពេលឆាប់ៗនេះ ផងដែរ៕

ប្រភព៖​ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ