BLACKPINK ក្លាយជាក្រុមចម្រៀងនារីដំបូងគេ ក្នុងរយៈពេល១៨ឆ្នាំ ដែលបានឈ្នះពាន Billboard Music Awards

អាមេរិក៖ ដូចដែលប្រិយមិត្តជ្រាបច្បាស់ហើយថា ក្រុមចម្រៀងនារី BLACKPINK ពិតជាមានកេរ្តិ៍ឈ្មោះល្បីរន្ទឺខ្លាំងណាស់ គឺមិនមែនត្រឹមនៅក្នុងប្រទេសកូរ៉េខាងត្បូងឬអាស៊ីនោះទេ តែទូទាំងពិភពលោកតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ BLACKPINK បានបង្កើតប្រវត្តិសាស្ត្រជាថ្មីមួយទៀតហើយ ដោយបានក្លាយជាក្រុមចម្រៀងនារីដំបូងគេបង្អស់ក្នុងរយៈពេល១៨ឆ្នាំ ដែលបានឈ្នះពានរង្វាន់នៅកម្មវិធី "Billboard Music Awards" គឺតាំងពីក្រុម Destiny's Child បានឈ្នះនាឆ្នាំ២០០៥មកម៉្លេះ។

ក្នុងនោះ Billboard Music Awards បានប្រកាស BLACKPINK បានឈ្នះពានរង្វាន់ សិល្បករកូរ៉េដែលមានការប្រគុំតន្ត្រីទេសចរណ៍លំដាប់កំពូល ដោយបានយកឈ្នះ Suga មកពី BTS និងក្រុម TWICE ផងដែរ។

កាលពីពេលថ្មីៗទៅនេះ BLACKPINK ក៏បានបំបែកកំណត់ត្រាឈ្នះក្រុមចម្រៀងល្អបំផុតនៅ VMA (MTV Video Music Awards) តាំងពី TLC បានឈ្នះនៅឆ្នាំ១៩៩៩ផងដែរ៕  

ប្រភព៖: allkpop

• រូបភាព
• តារាកូរ៉េ