ផ្អែមល្ហែមណាស់ លេចឮថា Lisa ជិះយន្តហោះផ្ទាល់ខ្លួន ទៅជប់លៀងខួបកំណើតជាមួយ Frederic

បារាំង៖ ពាក្យចចាមអារ៉ាមដែល Lisa ជាសមាជិកម្នាក់របស់ក្រុមចម្រៀងនារី BLACKPINK មានទំនាក់ទំនងស្នេហាជាមួយ កូនប្រុសអ្នកជំនាញវាល់លាន Frederic Arnault បានផ្ទុះឡើងមកមួយរយៈហើយ បន្ទាប់ពីឃើញកាយវិការរបស់អ្នកទាំងពីរមានភាពស្និទ្ធស្នាលនឹងគ្នា ព្រមជាមួយរូបថតជាភ័ស្តុតាងជាច្រើនដែលបញ្ជាក់ថា Frederic ភាគច្រើនបង្ហាញខ្លួននៅកន្លែងដែល Lisa បានចូលរួមកម្មវិធី ហើយថ្មីៗនេះពួកគេក៏ត្រូវបានប្រទះឃើញថា បានញ៉ាំអាហារពេលល្ងាចជាមួយគ្នានៅភោជនីយដ្ឋានផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នាថ្ងៃទី១៩ខែវិច្ឆិកាកន្លងទៅនេះ មានរបាយការណ៍ខ្សឹបខ្សៀវមួយបានចុះផ្សាយថា Lisa បានជិះយន្តហោះផ្ទាល់ខ្លួនទៅកាន់ ទីក្រុងប៉ារីស ប្រទេសបារាំង នៅអំឡុងថ្ងៃខួបកំណើតរបស់ Frederic ដើម្បីទៅប្រារព្ធពិធីជប់លៀងខួបកំណើតឲ្យគេទៀតផង។

គេបានបន្ថែមថា Lisa បានចំណាយពេលនៅប៉ារីសមួយសប្តាហ៍ ដោយមានអ្នកឃើញនៅហាងលក់សម្លៀកបំពាក់ CELINE ដែលនាងជាទូតសុឆន្ទៈ នៅអំឡុងថ្ងៃខួបកំណើតរបស់ Frederic (ថ្ងៃទី៧ខែវិច្ឆិកានេះ) ។

ដោយឡែក ពាក់ព័ន្ធនឹងការប្រកាសផ្លូវការថា Lisa ពិតជាមានទំនាក់ទំនងស្នេហាជាមួយ Frederic Arnault មែនឬអត់នោះគឺ YG មិនធ្លាប់ចេញមកបញ្ជាក់ទេ ដែលជាហេតុធ្វើឲ្យមានព័ត៌មានចចាមអារ៉ាមកើតឡើងជារឿយៗ៕  

ប្រភព៖: allkpop

• រូបភាព
• តារាកូរ៉េ