កិត្តិយសធំធេងណាស់! BLACKPINK ស្លៀកឈុតដូចព្រះនាង ចូលរួមពិធីនៅ រាជវាំងស្ដេចអង់គ្លេស (មានវីដេអូ)

អង់គ្លេស៖ ក្រុមចម្រៀងនារីរបស់កូរ៉េខាងត្បូងដ៏ល្បីឈ្មោះគឺ BLACKPINK បានទទួលកិត្តិយសដ៏ធំធេង បន្ទាប់ពីត្រូវបានអញ្ជើញឲ្យចូលរួមកម្មវិធី ដែលរៀបចំឡើងដោយព្រះអង្គម្ចាស់ឆាលស៍ ទី៣ នៃចក្រភពអង់គ្លេសផ្ទាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី២១ខែវិច្ឆិកាកន្លងទៅនេះ គេបានឃើញសមាជិកទាំងបួនគឺ Jennie, Jisoo, Rose និង Lisa បានបង្ហាញខ្លួននៅព្រះរាជវាំង Buckingham ក្នុងកម្មវិធីទទួលភ្ញៀវកិត្តិយសគឺលោក Yoon Suk Yeol ជាប្រធានាធិបតីរបស់កូរ៉េខាងត្បូង ព្រមទាំងជាកម្មវិធីរឹតចំណងប្រទេសទាំងពីរ អង់គ្លេស- កូរ៉េខាងត្បូង ដែលមានអ្នកមុខអ្នកការអញ្ជើញចូលរួមជាច្រើន ក្នុងនោះក៏មានសមាជិករាជវង្សផងដែរ។

BLACKPINK ត្រូវបានអញ្ជើញដោយសារពួកគេជាអ្នកតំណាងឲ្យ COP26 ដែលជាការប្រជុំទាក់ទងនឹងបម្រែបម្រួលអាកាសធាតុរបស់អង្គការសហប្រជាជាតិ ដោយពួកគេថែមទាំងជួបសំណេះសំណាលជាមួយព្រះអង្គម្ចាស់ឆាលស៍ ទី៣ ទៀតផង។

យ៉ាងណាមិញ បើនិយាយពីស្ទាយ៍នៃការតុបតែងខ្លួនរបស់ពួកគេវិញ គឺពិតជាស្រស់ស្អាតម្នាក់មួយបែប ដោយ Jisoo ស្លៀករ៉ូបពណ៌ខ្មៅសម្រុងលុបជើង ដៃប៉ោងស្មា ឯ Rose វិញ ស្លៀករ៉ូបពណ៌ខ្មៅបែបចោមពុងរឹបរាងបង្ហាញស្មាដ៏ស្រស់ស្អាត។ Jennie វិញគ្រងរ៉ូបពណ៌ស រឹបរាងដៃវែង ខណៈដែល Lisa មើលទៅដូចជាព្រះនាងចេញពីព្រេងនិទាន ដោយរ៉ូបរបស់នាងពណ៌ផ្ទៃមេឃស្រាល ប៉ាក់ដោយឌិនតូចៗភ្លឺផ្លេក ព្រមទាំងមានស្បៃអូសទៅក្រោយផងដែរ៕  

#BLACKPINK talking with King Charles III for the Korean State Banquet at Buckingham Palace.#블랙핑크 @BLACKPINK

pic.twitter.com/USzUAs6H5s

— BLACKPINK UK | Fanbase (@UK_BLINKS) November 21, 2023

Lmfao they cant believe that Charles actually mentioned their name?? pic.twitter.com/UwbrHOsBup

— ?. (@perfectlalisa) November 21, 2023

ប្រភព៖: allkpop