កិត្តិយសហួសមេឃ ក្រុម BLACKPINK ត្រូវបានស្ដេចចក្រភពអង់គ្លេសសរសើរបែបនេះ

ចក្រភពអង់គ្លេស៖ កាលពីពេលថ្មីៗនេះ ក្រុម BLACKPINK ដែលជាក្រុមចម្រៀងកូរ៉េ Kpop នារីដ៏ល្បីល្បាញ មានឈ្មោះបោះសម្លេងខ្លាំងក្លាទូទាំងពិភព ទទួលបានកិត្តិយសចូលទៅក្នុងព្រះរាជវាំងនៃចក្រភពអង់គ្លេស ដែលក្នុងនាមជាភ្ញៀវកិត្តិយសនៅក្នុងកម្មវិធី Gala ដែលរៀបចំឡើងដោយព្រះអង្គម្ចាស់ឆាលស៍ទី២ជាស្ដេចនៃចក្រភពអង្គគ្លេសផ្ទាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យ BLACKPINK កាន់តែទទួលបានកិត្តិយសនិងសេចក្ដីត្រេកអរថែមទៀតនោះ គឺ ព្រះអង្គម្ចាស់ បានថ្លែងសរសើរអំពីពួកគេ ដោយពួកគេគឺជាក្រុមចម្រៀងកូរ៉េ ដ៏មានឥទ្ធិពលដែលបាននាំឲ្យជះភាពវិជ្ជមានដល់យុវវ័យទូទាំងពិភពលោក។

នៅក្នុងនោះ ព្រះអង្គម្ចាស់ឆាលស៍ទី២បានមានព្រះរាជបន្ទួលថា ៖ វាពិតជាគួរឲ្យកោតសរសើរណាស់ដែលយុវវ័យជំនាន់ក្រោយនេះ អាចក្រសោបយកបុព្វហេតុបាន។ ខ្ញុំសូមអបអរសាទរដល់ Jennie, Jisoo, Lisa និង Rosé ដែលត្រូវបានគេស្គាល់ជាទូទៅថាជា BLACKPINK សម្រាប់តួនាទីរបស់ពួកគេក្នុងការនាំយកសារនៃនិរន្តរភាពបរិស្ថានទៅកាន់ទស្សនិកជនទូទាំងពិភពលោកក្នុងនាមជាឯកអគ្គរដ្ឋទូតសម្រាប់ប្រធាន COP26 របស់ចក្រភពអង់គ្លេស និងក្រោយមកជាអ្នកតស៊ូមតិសម្រាប់គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។

គួរបញ្ជាក់ផងដែរថា ក្រុម BLACKPINK ត្រូវបានអញ្ចើញឲ្យចូលរួមកម្មវិធីនេះ ក្នុងនាមជាអ្នកតំណាង COP26 ដែលជាការប្រជុំទាក់ទងនឹងបម្រែបម្រួលអាកាសធាតុរបស់អង្គការសហប្រជាជាតិ៕

ប្រភព៖ LIFESTYLE ASIA

• រូបភាព
• តារាកូរ៉េ