អស្ចារ្យណាស់! BLACKPINK ជាក្រុមចម្រៀង Kpop ដំបូងគេដែលទទួលបានរបស់ពិសេស មួយនេះពីស្ដេចអង់គ្លេស (មានវីដេអូ)

អង់គ្លេស៖ ដូចដែលប្រិយមិត្តបានជ្រាបហើយថា កាលពីថ្ងៃទី២១ខែវិច្ឆិកាកន្លងទៅនេះ ក្រុមចម្រៀងនារីកូរ៉េខាងត្បូងដ៏ល្បីឈ្មោះ BLACKPINK បានចូលរួមពិធីសំណេះសំណាលនិងពិសាភោជនាហារ នៅព្រះរាជវាំង Buckingham ក្រោមការអញ្ជើញពីស្ដេចឆាល៍ទី៣ ដែលចាត់ទុកជាកិត្តិយសមួយដ៏ធំធេង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងពិធីដែលមានការចូលរួមពីប្រធានាធិបតីកូរ៉េខាងត្បូង Yoon Suk Yeol និងសុភាពនារីទី១ Kim Keon Hee គឺ BLACKPINK បានទទួលពានរង្វាន់ពិសេសមួយទៀត ដែលព្រះអង្គម្ចាស់ឆាលស៍ទី៣ បានប្រោសប្រទានគឺ ពានរង្វាន់សមាជិកកិត្តិយសនៃចក្រភពអង់គ្លេស (ហៅថា MBEs) ក្នុងន័យទទួលស្គាល់ដល់ការលើកឡើងក៏ដូចជាដាស់តឿនសតិអ្នករាល់គ្នា ពីបម្រែបម្រួលអាកាសធាតុក្នុងពិភពលោក ដែល BLACKPINK បានចូលរួមនិយាយនៅ កិច្ចប្រជុំកំពូលស្ដីពីអាកាសធាតុរបស់អង្គការសហប្រជាជាតិ នៅឯទីក្រុង Glasgow ប្រទេសស្កុតឡែន កាលពីឆ្នាំ២០២១កន្លងទៅ។

បន្ថែមពីលើនេះទៀត នៅខាងមុខព្រះរាជវាំង Buckingham ផ្ទាល់ក៏មានការសម្ដែងបទ BLACKPINK ដូចជា DDU-DU DDU-DU ផងដែរ ខណៈដែលព្រះអង្គម្ចាស់ឆាលស៍ទី៣ ក៏បានមានព្រះបន្ទូលថា ទ្រង់ចង់ទតការសម្ដែងនៅខនសឺតរបស់ពួកគេទៀតផង៕  

The King, joined by The President and First Lady of the Republic of Korea, has welcomed @BLACKPINK to Buckingham Palace, as they are awarded Honorary MBEs. ?️

The K-Pop band have been awarded the honours in recognition of their role as Advocates for the COP26 Summit in Glasgow. pic.twitter.com/8xeD4zWP3J

— The Royal Family (@RoyalFamily) November 22, 2023

ប្រភព៖: allkpop

• រូបភាព
• តារាកូរ៉េ