ទើបនឹងមានពាក្យចចាមអារ៉ាមថាទាក់ទងគ្នា ឥឡូវ RM និង Karina បានអង្គុយជិតគ្នាសើចសប្បាយ យ៉ាងស្និទ្ធស្នាល (មានវីដេអូ)

កូរ៉េខាងត្បូង៖ ថ្មីៗនេះ មានពាក្យចចាមអារ៉ាមមួយបានលេចឮថា RM ដែលជាមេក្រុមរបស់ក្រុមតារាចម្រៀងបុរស BTS និង Karina ជាមេក្រុមរបស់ aespa បានទាក់ទងគ្នា ដោយសំអាងលើហេតុផលថា ពួកគេត្រូវបានប្រទះឃើញនៅកន្លែងជាមួយគ្នាគឺការប្រគុំតន្ត្រីរបស់ក្រុមចម្រៀង Se So Neon នាថ្ងៃតែមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ខណៈពេលដែលអ្នកគាំទ្រគិតថាពាក្យចចាមអារ៉ាមនេះគ្មានប្រភពច្បាស់លាស់នោះ ឥឡូវនេះស្រាប់តែ RM បានចួបជាមួយ Karina នៅខាងក្រៅផ្ទាល់ៗតែម្ដង។

ជាក់ស្ដែងកាលពីយប់ថ្ងៃទី២៤ខែវិច្ឆិកាកន្លងទៅនេះ អ្នកទាំងពីរបានបង្ហាញវត្តមានក្នុងកម្មវិធី "Love Your W" របស់ទស្សនាវដ្ដី W ដ៏ល្បីល្បាញដើម្បីរម្លឹកដល់ខួបលើកទី១៨ ក្នុងការប្រឆាំងនឹងជំងឺមហារីកសុដន់ ដោយបានអញ្ជើញតារាជួរមុខមកជាច្រើន។

យ៉ាងណាមិញ នៅពេលពិធីជប់លៀងភោជនាហារមកដល់ Karina ត្រូវបានបំបែកមិនឲ្យអង្គុយជិតសមាជិក aespa ឯទៀតនោះឡើយ ដោយនាងត្រូវបានគេប្រទះឃើញថាអង្គុយក្បែរ RM តែម្ដង។ គេបានឃើញថា RM ពិតជាមានភាពរាក់ទាក់រួសរាយដាក់ Karina ហើយអ្នកទាំងពីរក៏បាននិយាយគ្នាជាច្រើន ដោយមិនបានខ្វល់​​​ខ្វាយពីព័ត៌មានអស់ទាំងនោះឡើយ៕  

Karina of aespa and RM of BTS seen interacting at the Love Your W event.pic.twitter.com/Q7Z6pJ7eIv

— Viral Takes (@viraltakes) November 24, 2023

ប្រភព៖: koreaboo

• រូបភាព
• តារាកូរ៉េ