Jennie លេងស្ទាយ៍រ៉ូបរឹបរាងដូចជំទាវ ពេលចូលកម្មវិធី ធ្វើឲ្យហ្វេនលាន់មាត់សរសើរគ្រប់គ្នា

កូរ៉េខាងត្បូង៖ Jennie ដែលជាសមាជិកម្នាក់ក្នុងក្រុមចម្រៀងនារី BLACKPINK ដ៏ល្បីល្បាញ តែងតែក្លាយជាចំណុចចាប់អារម្មណ៍របស់មហាជន រាល់ពេលរូបនាងបង្ហាញខ្លួនម្ដងៗ ដោយអ្នកគាំទ្រតែងតែតាមដានសកម្មភាពរបស់នាងទាំងលើឆាក និងក្រោយឆាក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងកាលពីយប់ថ្ងៃទី២៤ខែវិច្ឆិកាកន្លងទៅនេះ Jennie បានបង្ហាញវត្តមានក្នុងកម្មវិធី "Love Your W" របស់ទស្សនាវដ្ដី W ដ៏ល្បីល្បាញដើម្បីរម្លឹកដល់ខួបលើកទី១៨ ក្នុងការប្រឆាំងនឹងជំងឺមហារីកសុដន់ ដោយបានអញ្ជើញតារាជួរមុខជាច្រើនទៀតដូចជា RM, aespa, Itzy, TXT, Sunmi, Hwasa ជាដើម។

ក្នុងនោះ Jennie បានបង្ហាញវត្តមានជាមួយនឹងរ៉ូបរឹបរាងពណ៌សាច់ បង្ហាញរាងដ៏ស្វ៊ែលនិងស្រស់ស្អាតដែលរ៉ូបចំហស្មា ដោយពាក់ស្រោមដៃវែងលុបម្រាមដៃពណ៌ស៊ីគ្នានឹងឈុតផងដែរ ដោយស្បែកជើងវិញគឺជាស្បែកជើងកែងខ្ពស់ពណ៌ខ្មៅ មុខមូល។

ចំណែកសក់វិញ Jennie លេងស្ទាយ៍ពុះកណ្ដាលគាបឡើងត្រង់ភ្លឹង ជាស្ទាយ៍សាមញ្ញៗតែជះចំហាយអភិជន ធ្វើឲ្យអ្នកគាំទ្រសរសើរថា ទោះមិនលេងស្ទាយ៍ឆើតឆាយខ្លាំងក៏នាងនៅតែក្លាយជាចំណុចចាប់អារម្មណ៍របស់គ្រប់គ្នាដែរ៕  

ប្រភព៖: kpopping

• រូបភាព
• តារាកូរ៉េ