យូរៗចេញមកម្ដង កុំកុំ បង្ហាញកូនស្រី ឡើងស្រស់ស្អាត

កម្សាន្ត៖ គឺជារឿងដ៏គួរឲ្យចាប់អារម្មណ៍ ដោយយោងតាមប្រភព Sinchew បានបង្ហាញថា តារាសម្ដែងដ៏ល្បីឈ្មោះ លោក Donnie Yen និងកូនស្រីរបស់លោកឈ្មោះ Jasmine បានរាំនៅចំពោះមុខភ្ញៀវ ដែលសុទ្ធតែជាគ្រួសារលំដាប់ខ្ពស់មកពីប្រទេសជាច្រើន នៅពេលចូលរួមកម្មវិធីមួយនៅប្រទេសបារាំង កាលពីថ្ងៃទី ២៥ខែវិច្ឆិកា កន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈនោះដែរ ហ្វេនៗជាច្រើន ក៏បានឃើញពីភាពស្រស់ស្អាត និងការតុបតែងខ្លួនដ៏គួរឲ្យចាប់អារម្មណ៍ ក្នុងពេលចេញមកបង្ហាញខ្លួនលើកនេះ។ មិនត្រឹមតែប៉ុណ្ណោះ កូនស្រីរបស់ លោក Donnie Yen ថែមទាំងបាននិយាយថា ឪពុករបស់នាង តែងតែចូលចិត្តភាពល្អឥតខ្ចោះ ដូច្នេះ នាងបារម្ភថា ឪពុករបស់ខ្លួន នឹងតានតឹងខ្លាំងពេលសម្តែងរបាំ តែជាសំណាងល្អ ប៉ុន្មានម៉ោងមុនពេលរាំ Donnie Yen បានចាប់យកជំហានរាំជាមូលដ្ឋាន និងធ្វើការសមជាមួយកូនស្រីរបស់ខ្លួន។

គួរបញ្ជាក់ផងដែរថា Jasmine គឺជាកូនស្រីរបស់ Donnie Yen និងប្រពន្ធទីពីររបស់ខ្លួន ខណៈពេលនេះ កូនស្រីរបស់លោកម្នាក់នេះ មានអាយុ ១៩ ឆ្នាំ មានការចូលចិត្តច្រៀង និងចង់បន្តអាជីពតន្ត្រី ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន