ចូលវ័យ​៤២ឆ្នាំ ហាន់ជីអ៊ុន រៀបចំខួបកំណើត លេងស្ទាយ៍ស្រស់ឆើតឆាយ

កូរ៉េខាងត្បូង៖ នៅថ្ងៃទី ២៧ ខែវិច្ឆិកាកន្លងទៅនេះ តារាសម្ដែងស្រី Song Hye Kyo បានបង្ហោះរូបថត ដើម្បីអបអរសាទរខួបកំណើតរបស់ខ្លួន នៅលើគណនី Instagram ដែលកំពុងទទួលបានការចាប់អារម្មណ៍យ៉ាងខ្លាំងពីអ្នកគាំទ្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈរូបភាពទាំងនោះ តារាសម្ដែងស្រីរូបនេះ បានចេញមកបង្ហាញខ្លួនយ៉ាងស្រស់ឆើតឆាយ ស្លៀក​រ៉ូប​ពណ៌​ខៀវ​ចាស់ ទម្លាក់​សក់​រលក​វែង មើល​ទៅ​ពិតជាមានភាពទាក់ទាញ ខណៈនៅក្នុងដៃ នាងបានកាន់ប៉េងប៉ោងធំៗពីរប្រភេទផ្សេងគ្នា ខណៈមានមួយ គឺជាប៉េងប៉ោងពណ៌សព្រមជាមួយនឹងពាក្យជូនពរថ្ងៃកំណើតរបស់តារាស្រីរូបនេះ ទៀតផង។

ជាពិសេសនោះ តាមរយៈការបង្ហាញមួយនេះ បានឲ្យឃើញថា តារាស្រី Song Hye Kyo នៅតែមានភាពលេចធ្លោ បញ្ចេញនូវស្នាមញញឹមយ៉ាងសប្បាយរីករាយ បង្ហាញពីសម្រស់ស្រស់ស្អាត ខណៈចូលវ័យ៤២ឆ្នាំទៅហើយ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• រូបភាព
• តារាកូរ៉េ