Margie បើកបង្ហាញផ្ទះប្រណីត រៀបចំដូចសណ្ឋាគារលំដាប់

ថៃ៖ អាចនិយាយបាន សម្រាប់តារាសម្ដែងស្រី Margie និងស្វាមី លោក Pok តែងតែត្រូវបានមហាជនជាច្រើនតាមដានពីជីវិតគ្រួសារយ៉ាងសប្បាយរីករាយ ទាំងសកម្មភាពកម្សាន្ត ក៏ដូចជាបង្ហាញពីជីវិតបែបហាយសូរស៊ីវីល័យ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះវិញ ប្ដីប្រពន្ធតារាប្រុសស្រីអ្នកទាំងពីរ បានធ្វើឲ្យហ្វេនៗជាច្រើន ចាប់អារម្មណ៍ ខណៈដែលពួកគេបានទើបតែផ្លាស់ចូលមកផ្ទះថ្មី និងបានធ្វើឃ្លីបបើកបង្ហាញឲ្យឃើញពី ទិដ្ឋភាពផ្ទះដ៏ប្រណីតមួយនេះ។

ក្នុងនោះដែរ ត្រូវបានគេដឹងថា នេះគឺជាផ្ទះស្នាក់វិស្សមកាល ដែលសាងសង់ឡើងសម្រាប់ក្រុមគ្រួសារ មិត្តភ័ក្តិ ឬញាតិមិត្ត មកលំហែកាយ ដែលជាផ្ទះ ៣ ជាន់ មានយានដ្ខាន និងជណ្តើរយន្តនៅខាងក្នុង មានការរចនាយ៉ាងដោយជ្រើសរើសយក​គ្រឿង​តុបតែងស្រស់ស្អាត មានរូបរាងសាមញ្ញ ទាន់សម័យ ខណៈដែលជាន់ផ្ទាល់ដី មានបន្ទប់គេង ២ ជាមួយនឹងបន្ទប់ទឹកខាងក្នុង ហើយនៅពេលដែលចូលទៅហើយនោះ វាហាក់បីដូចជាស្នាក់នៅក្នុងសណ្ឋាគារលំដាប់ ជាមួយនឹងទិដ្ឋភាពសួនច្បារដ៏ស្រស់ស្អាតនៅជុំវិញ ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ