ជនទី៣? អ្នកគាំទ្រកំពុងសង្ស័យថាតារាស្រីរូបនេះ ជាមូលហេតុដែល Kathryn និង Daniel ចែកផ្លូវគ្នា

ហ្វីលីពីន៖ ពិតជាកក្រើកក្នុងសង្គមសិល្បៈរបស់ប្រទេសហ្វីលីពីន បន្ទាប់ពីគូស្នេហ៍តារាស្រីប្រុសល្បីឈ្មោះជួរមុខ Kathryn Bernado បានប្រកាសចែកផ្លូវគ្នាជាមួយ លោក Daniel Padilla បន្ទាប់ពីទាក់ទងគ្នាដល់ទៅ១១ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី៣០ខែវិច្ឆិកាកន្លងទៅ Kathryn Bernado ដែលជាតួអង្គឯកស្រីក្នុងរឿង "ម៉ារ៉ា ក្លារ៉ា" ដែលប្រជាជនខ្មែរធ្លាប់បានទស្សនានោះ បានទម្លាយថានាងនិង Daniel Padilla បានសម្រេចចិត្តចែកផ្លូវគ្នាដោយសន្តិ និងសូមឲ្យអ្នកគាំទ្រឈប់សួរជីកឬសជីកគល់ពីទំនាក់ទំនងអ្នកទាំងពីរទៀត ខណៈដែលភាគីខាងប្រុសក៏បានប្រកាសបែបនេះដែរ។

ទន្ទឹមនឹងការផ្ទុះព័ត៌មានចែកផ្លូវគ្នានេះ ស្រាប់តែអ្នកគាំទ្រនាំគ្នាចាប់អារម្មណ៍តារាស្រីវ័យក្មេងជំនាន់ក្រោយរបស់ហ្វីលីពីនគឺ Andrea Brillantes ថាអាចជាជនទី៣ក្នុងទំនាក់ទំនងស្នេហារវាង Kathryn និង Daniel ដោយសំអាងលើភ័ស្តុតាងមួយចំនួន ដូចជា Andrea និង Daniel បានទៅកន្លែងតែមួយជាមួយគ្នា នាថ្ងៃតែមួយ ជាច្រើនដង។

យ៉ាងណាមិញ នេះត្រឹមតែជាការសន្និដ្ឋានគ្មានប្រភពជាក់លាក់ប៉ុណ្ណោះ ដោយសារតែមិនទាន់មានភាគីណាមួយចេញមុខមកបកស្រាយនោះឡើយ៕  

ប្រភព៖: manilastandard

• រូបភាព
• តារាអន្តរជាតិ