មិនបាច់កាច់រាងច្រើន ក៏ Jennie នៅតែលេចធ្លោ ពេលទៅដើរលេងនៅក្រុងឡុងដ៍

អង់គ្លេស៖ Jennie ជាសមាជិកម្នាក់របស់ក្រុមចម្រៀងនារី BLACKPINK តែងតែក្លាយជាចំណុចចាប់អារម្មណ៍របស់មហាជន មិនថាពេលឡើងសម្ដែងលើឆាកតន្ត្រី ឬជីវិតផ្ទាល់ខ្លួននៅក្រោយឆាកនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះ Jennie បានបង្ហោះរូបភាពជាច្រើនឲ្យអ្នកគាំទ្របានដឹងថា នាងបានទៅដើរលេងនៅទីក្រុងឡុងដ៍ ចក្រភពអង់គ្លេស យ៉ាងសប្បាយរីករាយថែមទៀតផង។

ក្នុងនោះដែរ គេសង្កេតឃើញថា Jennie បានលេងស្ទាយ៍សាមញ្ញៗតែពិតជាលេចធ្លោប្លែក គឺស្លៀកខោខោប៊យជើងធំ គូជាមួយអាវធ្វើពីស្បែកពណ៌ខ្មៅក្រឹប បញ្ចេញក្បាលពោះដ៏ស្រឡូនស្អាត អមជាមួយវ៉ែនតាស៊ុមខ្មៅ ដែលធ្វើឲ្យអ្នកគាំទ្រនាំគ្នាសរសើរថា ទោះបីតែងខ្លួនបែបប៊យៗបែបនេះ ក៏នាងនៅតែជះរស្មីលេចធ្លោ ស័ក្តិសមជាតារាចម្រៀងជួរមុខម្នាក់របស់កូរ៉េខាងត្បូងមែន៕

ប្រភព៖: allkpop

• រូបភាព
• តារាកូរ៉េ