ស្នេហាខិតខំសាង១១ឆ្នាំ ត្រូវបញ្ចប់ត្រឹម ឲ្យយើងចងចាំមេរៀនទាំង១០ចំណុចនេះ

ស្នេហា៖ ថ្មីៗនេះ ដំណឹងបែកបាក់ស្នេហារបស់តារាសម្ដែងប្រុសស្រីដ៏ល្បីល្បាញនៃប្រទេសហ្វីលីពីនគឺ Kathryn Bernardo និង តារាប្រុស Daniel Ford បានធ្វើឲ្យអ្នកគាំទ្រជុំវិញពិភពលោកមានការភ្ញាក់ផ្អើល និង មានការឈឺចាប់ជាខ្លាំង ដែលមិននឹកស្មានថាពួកគេឈានដល់ចំណុចនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា Daniel និង Kath ចាប់ផ្ដើមស្គាល់គ្នាតាំងពីពួកគេចូលសម្ដែងសិល្បៈដំបូងៗ ក្នុងវ័យជំទង់ៗទើបនឹងពេញកម្លោះក្រមុំ ហើយពួកគេក៏បានស្រឡាញ់គ្នាជាសាធារណៈរហូតមក ដែលអ្នកទាំងពីរទទួលបានការស្រឡាញ់គាំទ្រយ៉ាងខ្លាំងក្លាពីអ្នកគាំទ្រ ប៉ុន្ដែវាជាដំណឹងដ៏ស្លុតចិត្តដែល Kathniel ប្រកាសបែកគ្នាបន្ទាប់ពីទាក់ទងគ្នាអស់រយៈពេល១១ឆ្នាំ។

ជាក់ស្ដែងតាមរយៈស្នេហាដ៏ផ្អែមល្ហែមរយៈពេល១១ឆ្នាំបានត្រូវបញ្ចប់នេះ យើងអាចទាញយកមេរៀនសំខាន់ៗ១០ចំណុចពីស្នេហាពួកគេមកពិចារណា៖

១. មនុស្សម្នាក់ៗតែងតែប្រែប្រួល មិនថាអ្នកផ្ដល់អ្វីគ្រប់យ៉ាងលះបង់យ៉ាងក៏ដោយ បើគេចង់ចាកចេញ គឹអ្នកមិនអាចស្រោចស្រង់វាបាននោះទេ។

២. ភាពស្មោះត្រង់គឺពិបាករកណាស់ក្នុងជំនាន់នេះ។

៣. ត្រូវច្បាស់លាស់ បើអ្នកចង់បានទំនាក់ទំនងមួយដែលស្ថិតស្ថេរ អ្នកត្រូវតែតាំងចិត្តព្យាយាមរក្សាក្ដីស្រឡាញ់កុំឲ្យផ្លាស់ប្ដូរ។

៤. មុននឹងខាងស្រីចុះចាញ់ គឺនាងបានផ្ដល់ឪកាសឲ្យខាងប្រុសរាប់ភ្លេចហើយ។

៥. ត្រូវនៅជុំវិញមនុស្សដែលត្រឹមត្រូវ ពោលគឺ កុំស្ដាប់សម្ដីមនុស្សចាក់រុក។

៦. ស្រឡាញ់ខ្លួនឯង ផ្ដោតលើគោលដៅខ្លួនឯង ដើម្បីខ្លួនឯង Grow។

៧. វាជាការបាត់បង់របស់គេ បើគេជាអ្នកមានថ្មីមុន។

៨. បើទោះបីជាអ្នកស្ថិតក្នុងស្នេហាអស់រាប់ឆ្នាំជាមួយគ្នាក៏ដោយ ក៏មិនធានាថា បញ្ចប់ទៅដោយក្ដីសុខដែរ។

៩. អ្នកមិនចាំបាច់អង្វរឲ្យគេនៅនោះទេ អ្នកត្រូវតែគិតពីខ្លួនឯងសិន។

១០. មិនមែនគ្រប់ការបែកបាក់ សុទ្ធតែអាក្រក់នោះទេ វាអាចជារឿងល្អសម្រាប់អ្នក៕

• ស្នេហា
• តារាអន្តរជាតិ