ថៃនឹងរៀបចំ ធ្វើសង្ក្រាន្ត មួយខែមេសាពេញ នៅឆ្នាំក្រោយនេះ

ថៃ៖ ប្រទេសថៃគ្រោងនឹងកំណត់ឡើងវិញ នូវពិធីបុណ្យចូលឆ្នាំថ្មីប្រពៃណីរបស់ខ្លួនគឺ «Songkran» ទៅជាពិធីបុណ្យពិភពលោក «World Water Festival» ឬជា «The Songkran Phenomenon» ដែលនឹងប្រារព្ធក្នុងខែមេសា ​មួយខែពេញ។

ជាមួយនឹងទំហំទឹកប្រាក់ចំនួន ៥.១៦៤ ពាន់លានបាត (ប្រមាណ ១៤៨លានដុល្លារ) គំនិតផ្តួចផ្តើមនេះត្រូវបានបង្កើតឡើង ដើម្បីជំរុញទាក់ទាញភ្ញៀវទេសចរអន្តរជាតិ នេះបើតាមប្រសាសន៍អ្នកនាំពាក្យ ប្រធានគណបក្សភឿថៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អស់រយៈពេលជាច្រើនឆ្នាំ សង្ក្រាន្តថៃបានប្រារព្ធរយៈពេលបីថ្ងៃ ប៉ុន្តែព្រឹត្តិការណ៍ឆ្នាំក្រោយនេះ នឹងមានរយៈពេលពេញមួយខែនៃខែមេសា។ ពិធីបុណ្យនឹងប្រព្រឹត្តទៅនៅទូទាំង ៧៧ ខេត្តនៃប្រទេសថៃ ដោយពិធីប្រារព្ធទូទាំងប្រទេសជាបន្តបន្ទាប់។ 

ពិធីបុណ្យនេះត្រូវបានគេរំពឹងថា នឹងមានកម្មវិធី ប្រមាណ ១ម៉ឺនកន្លែងផ្សេងៗគ្នា នឹងបង្កើតប្រាក់ចំណូលប្រហែល ៣៥ ពាន់លានបាត ដែលរួមចំណែកយ៉ាងសំខាន់ដល់សេដ្ឋកិច្ចច្នៃរបស់ប្រទេសថៃដូច្នេះដែរ៕

ប្រភព៖ bnn.network