ស្និទ្ធគ្នាខ្លាំង! Jennie ចំណាយពេល នៅជាមួយតារាប្រុសរូបនេះក្នុងថ្ងៃខួបកំណើត ដល់ទៅពីរឆ្នាំជាប់ៗគ្នា

កូរ៉េខាងត្បូង៖ Jennie ដែលជាសមាជិកម្នាក់ក្នុងក្រុមចម្រៀងល្បីឈ្មោះ BLACKPINK តែងតែក្លាយជាចំណុចចាប់អារម្មណ៍ពីសំណាក់មហាជន មិនថាសកម្មភាពនៅលើឆាកឬក្រោយឆាក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីថ្ងៃទី២ខែធ្នូកន្លងទៅនេះ មហាជនមានការចាប់អារម្មណ៍ខ្លាំងទៅលើ Jennie ដោយបានឃើញថានាងបានចំណាយពេលប្រារព្ធថ្ងៃខួបកំណើតជាមួយ តារាសម្ដែងប្រុស Lee Joo Hyung ។

ក្នុងនោះ Jennie ថែមទាំងបានបង្ហោះរូបភាពជាមួយតារាសម្ដែងប្រុសរូបនេះអមជាមួយពាក្យថា "រីករាយថ្ងៃខួបកំណើត មិត្តភក្តិដ៏គួរឲ្យស្រលាញ់របស់ខ្ញុំ។ ថ្ងៃនេះជាថ្ងៃដែលខ្ញុំសប្បាយចិត្តខ្លាំងបំផុត។" ដែលបានបញ្ជាក់ថា នាងនិង Joo Hyung គ្រាន់តែជាមិត្តជិតស្និទ្ធនឹងគ្នាប៉ុណ្ណោះ។

Jennie ក៏បានថតរូបក៏ដូចជាចំណាយពេលនៅជាមួយ Lee Joo Hyung កាលពីថ្ងៃខួបកំណើតរបស់គេនៅឆ្នាំមុនផងដែរ ដែលបញ្ជាក់ថាអ្នកទាំងពីរ នៅតែរក្សាទំនាក់ទំនងបានល្អ៕

ប្រភព៖: allkpop

• រូបភាព
• តារាកូរ៉េ