Min Hwan ក្រុម F.T. Island ប្រកាសលែងលះភរិយា ជាអតីតតារា Kpop បន្ទាប់ពីរៀបការបាន៥ឆ្នាំ

កូរ៉េខាងត្បូង៖ ឆ្លងកាត់ចំណងអាពាហ៍ពិពាហ៍៥ឆ្នាំកន្លងមក ពេលនេះស្រាប់តែ Min Hwan ដែលជាសមាជិកម្នាក់ក្នុងក្រុមចម្រៀង F.T. Island បានប្រកាសថារូបគេនិងអតីតភរិយាបានសម្រេចចិត្តលែងលះគ្នាហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី៤ខែធ្នូកន្លងទៅនេះ Choi Min Hwan បានបញ្ជាក់ថារូបគេនិងភរិយាឈ្មោះ Yulhee ជាអតីតសមាជិកក្នុងក្រុមចម្រៀង LABOUM ដោយមិនបានបញ្ជាក់មូលហេតុពិតប្រាកដនៃការលែងលះនោះឡើយ គ្រាន់តែបញ្ជាក់ថា ពួកគេនឹងបន្តជួយគ្នាមើលថែកូន។

យ៉ាងណាមិញ ពួកគេសុំឲ្យអ្នកគាំទ្រមានការយោគយល់ និងបន្តគាំទ្រពួកគេ ប៉ុន្តែ Minhwan បានទទួលស្គាល់ថាគេនិង Yulhee ឆាប់រៀបការជាមួយគ្នាទាំងវ័យក្មេងពេក។

គួរបញ្ជាក់ផងដែរថា Choi Minhwan និង Yulhee បានរៀបការជាមួយគ្នាតាំងពីឆ្នាំ២០១៨ និងមានចំណង​​​ដៃកូនបីនាក់ជាមួយគ្នា ដែលក្នុងនោះមានកួនភ្លោះផងដែរ៕  

ប្រភព៖: allkpop

• រូបភាព
• តារាកូរ៉េ