មិននឹកស្មានថា ចៀវវៃ ពិបាកនឹងមានផ្ទៃពោះ ដោយសារតែបញ្ហាមួយនេះ...

កម្សាន្ត៖ នៅក្នុងកម្មវិធីនាពេលថ្មីៗនេះ តារាសម្ដែងស្រី Ruby Lin បានចែករំលែកអំពីការងារ និងជីវិតគ្រួសាររបស់នាង ខណៈដែលនៅក្នុងនោះ នាងបានបង្ហើបថា នាងពិបាកក្នុងការមានផ្ទៃពោះជាលើកទី២ ដោយសារតែបញ្ហាសុខភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីក្នុងឆ្នាំ ២០១៧ តារាស្រីរូបនេះ បានមានផ្ទៃពោះកូនដំបូង នៅពេលនាងមានអាយុ ៤០ឆ្នាំហើយ ដោយ​សារ​តែ​សុខភាពកម្លាំង​ខុស​ប្រក្រតី តារា​ស្រី​រូប​នេះ​ បាន​សម្រេច​ចិត្ត​ជ្រើស​រើស​ ផ្នែក​វះកាត់​ដើម្បី​ការពារ​កូន។ ប៉ុន្តែ​រាង​កាយ​របស់​តារា​ស្រី​រូប​នេះ បាន​រង​របួស​ជា​បន្ត​បន្ទាប់ ដែលធ្វើឲ្យសុខភាពរបស់នាង កាន់តែយ៉ាប់យ៉ឺន ​ជាពិសេស ក៏​ត្រូវ​ចំណាយ​ពេល​កន្លះ​ឆ្នាំ​នៃ​ការ​ព្យាបាល​រាង​កាយ ទៀតផង។

មិនត្រឹមតែប៉ុណ្ណោះ តារាស្រីរូបនេះ ថែមទាំងបាន​ចែករំលែក​ ពីដំណើរ​ការ​លំបាក​ក្នុង​ការ​ចិញ្ចឹម​កូន ខណៈដែលនាងមានបញ្ហា បំពង់ទឹកដោះស្ទះ ហើយត្រូវការជំនួយពីគិលានុបដ្ឋាយិកា ហើយការ​មាន​មនុស្ស​ជា​ច្រើន​នៅ​ជុំវិញ​នាង​ក្នុង​ស្ថានភាព​នេះ បានធ្វើឲ្យ Ruby Lin មាន​អារម្មណ៍​អាម៉ាស់ និង​មិន​ស្រួល ដែលនេះ ក៏បានប៉ះពាល់ដល់ផ្លូវចិត្តរបស់នាង។

ម៉្យាងវិញទៀត នាងថែមទាំងត្រូវ​ចំណាយ​ពេល​ជិត​មួយ​ឆ្នាំ ​សម្រាប់​សុខភាព​ផ្លូវ​កាយ និង​ផ្លូវចិត្ត​របស់​នាង​ ដើម្បី​ជា​សះស្បើយ​យ៉ាង​ពេញលេញ។ ហើយដោយសារ​តែ ជួប​បញ្ហា​ច្រើន​ពេក​ក្នុង​ពេល​សម្រាល​កូនដំបូង នាង​បាន​បង្ហើប​ថា នាង​មិន​ហ៊ាន​មាន​កូន​ទៀត​ទេ ហើយប្រការនេះ បានធ្វើឱ្យ Ruby Lin មានការសោកស្ដាយ ដែលមិនបានរៀបការទាន់ពេល និងមានផ្ទៃពោះ ក្នុងដំណាក់កាលអំណោយផលក្នុងការសម្រាលកូន ដើម្បីអាចស្វាគមន៍សមាជិកម្នាក់ ឬពីរនាក់ទៀតបាន៕

ប្រភព៖​ Ngoisao.vn

សូមទស្សនារូបភាពខាងក្រោម៖ 

• រូបភាព
• តារាចិន