ជប៉ុនកម្ទេ-»ចទុរេន និងម្ទេសវៀតណាម ក្រោយរកឃើញសារធាតុខុសស្តង់ដារ ច្រើនលើសលប់

ជប៉ុន៖ ទុរេន និងម្ទេសវៀតណាមជាង ៥ តោនត្រូវបានបំផ្លាញនៅក្នុងប្រទេសជប៉ុនកាលពីខែតុលា ដោយសារមានកម្រិតថ្នាំសម្លាប់សត្វល្អិតខ្ពស់ជាងស្តង់ដាររបស់ខ្លួន ​នេះបើយោងតាមការចេញផ្សាយលើគេហទំព័រក្នុងស្រុកមួយ។

ទុរេន ១.៤ តោនត្រូវបាននាំចេញកាលពីថ្ងៃទី ៥ ខែតុលា ដោយក្រុមហ៊ុននៅប្រទេសវៀតណាមទៅកាន់ប្រទេសជប៉ុន ដែលជាកន្លែងដែលត្រូវបានគេរកឃើញថាមានផ្ទុកសារធាតុ procymidone ចំនួន 0.03 ផ្នែកក្នុងមួយលាន (ppm) លើសពីស្តង់ដារជប៉ុន 0.01 ppm នេះបើយោងតាមរបាយការណ៍ថ្មីៗនេះដោយ ទីប្រឹក្សាពាណិជ្ជកម្មវៀតណាមនៅជប៉ុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ម្ទេស ៤ តោនមានផ្ទុក 0.2 ppm នៃសារជាតិ tricyclazole និង 0.03 ppm នៃ hexaconazole ត្រូវបាន អាជ្ញាធរ​​ជប៉ុន​ បានដាក់​ឲ្យ​នៅ​ដាច់​ដោយ​ឡែក ហើយបាន​បំផ្លាញ​ចោលទាំង​អស់ភ្លាមៗតែម្តង។

យ៉ាងណាមិញ មិនត្រឹមតែវៀតណាមនោះទេ ប្រទេសអភិវឌ្ឍន៍ជាច្រើនផ្សេងទៀតក៏បរាជ័យក្នុងការបំពេញតាមស្តង់ដាររបស់ប្រទេសជប៉ុនផងដែរ ដោយសារ ប្រទេសមួយនេះ ទាមទារគុណភាពខ្ពស់ គ្រប់ទំនិញនាំចូល ជាពិសេស អាហារសម្រាប់បរិភោគនេះតែម្តង៕

ប្រភព៖ vnexpress