មិនសូវបានឃើញ លីតៅហួរ បង្ហាញខ្លួនជាមួយគ្រួសារ​ព្រមទាំងកូ-»នស្រី ក្នុងពិធីមួយនេះ

ហុងកុង៖ តារាសម្ដែងដ៏ល្បីល្បាញ លោក Andy Lau រួមជាមួយនឹងភរិយា និងកូនស្រី បានទៅចូលរួមពិធីបុណ្យសពនៅហុងកុង ដើម្បីនិយាយលាទៅកាន់លោកឪពុករបស់ខ្លួន លោក Liu Le កាលពីថ្ងៃទី ៥ ខែធ្នូ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈប្រភពព័ត៌មាន បានឲ្យដឹងថា តារាសម្ដែង លោក Andy Lau បានមកដល់ផ្ទះបុណ្យសព នៅម៉ោង ១២ ថ្ងៃត្រង់។ បន្ទាប់​មក​នៅ​ជិតពេល​រសៀល​ថ្ងៃ​ដដែល ប្រពន្ធ​របស់​លោក និង​កូនស្រី ក៏បាន​មក​ដល់ដោយ​ជិះ​រថយន្ត​៧​កៅអីពណ៌​ស។ ជាមួយគ្នានេះដែរ លោក Andy Lau ក៏បានចេញមកស្វាគមន៍ភរិយា និងកូនៗ ហើយពួកគេទាំងបីនាក់ បានឱនក្បាលទៅកាន់អ្នកសារព័ត៌មាន រួចក៏ឡើងជណ្តើរយន្តទៅកាន់កន្លែងទទួលភ្ញៀវ។ 

គួរបញ្ជាក់ផងដែរថា ឪពុក​របស់ លោក Andy Lau គឺ​លោក Liu Le បាន​ទទួល​មរណភាព​នៅ​ថ្ងៃ​ទី ២០ ខែ​វិច្ឆិកា។ ខណៈដែលពិធីបុណ្យសពនេះ ធ្វើឡើងចាប់ពីម៉ោង ៥ៈ០០ ល្ងាច ដល់ ៩:០០ យប់ សម្រាប់សាច់ញាតិ និងមិត្តភក្តិចូលរួម តែប៉ុណ្ណោះ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន