ព្យុះស៊ីក្លូន បោកបក់នៅភាគខាងត្បូងនៃប្រទេសឥណ្ឌា នឹងបង្ខំឲ្យមនុស្សរាប់ពាន់ជម្លៀសខ្លួនជាបន្ទាន់

ឥណ្ឌា៖ ព្យុះស៊ីក្លូន Michaung បានបោកបក់លើឆ្នេរភាគខាងត្បូងប្រទេសឥណ្ឌាកាលពីរសៀល ថ្ងៃទី៥ ខែធ្នូ បន្ទាប់ពីមានភ្លៀងធ្លាក់យ៉ាងគំហុក ជាមួយនឹងរលកខ្ពស់ៗបោកបក់ចូលទីក្រុងឆ្នេរសមុទ្រ ធ្វើឲ្យផ្លូវលិចទឹក និងបានសម្លាប់មនុស្សយ៉ាងតិចប្រាំបួននាក់ រួមទាំងកុមារផងដែរ។

ការិយាល័យអាកាសធាតុបាននិយាយថា ព្យុះស៊ីក្លូននេះបានបោកបក់លើរដ្ឋ Andhra Pradesh ភាគខាងត្បូងប្រទេសឥណ្ឌា ក្បែរទីក្រុង Bapatla ដោយបានបក់បោកជាមួយនឹងកម្លាំងខ្យល់រហូតដល់ ១១០ គីឡូម៉ែត្រក្នុងមួយម៉ោង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការិយាល័យឧតុនិយមបាននិយាយមុននេះថា ផ្នែកខ្លះនៃរដ្ឋត្រូវបានគេរំពឹងថានឹងមានភ្លៀងធ្លាក់ច្រើន ក្នុងរយៈពេល ២៤ ម៉ោងខាងមុខ ហើយយ៉ាងហោចណាស់មនុស្ស ៨,០០០ នាក់ត្រូវបានជម្លៀសចេញ ជាបន្ទាន់៕

ប្រភព៖ straitstimes