BTS ឡាយចុងក្រោយ ឪនគោរពលា ហ្វេនទប់ទឹកភ្នែកមិនចង់ជាប់ (មានវីដេអូ)

កូរ៉េខាងត្បូង៖ ថ្មីៗនេះ សមាជិកក្រុម BTS ទាំង៤នាក់ ដែលបានចុះឈ្មោះទៅបម្រើនៅក្នុងជួរកងទ័ព បានធ្វើការឡាយវីដេអូជាមួយគ្នានិយាយសំណេះសំណាលជាមួយអ្នកគាំទ្រជាលើកចុងក្រោយ មុននឹងខ្លួនចាកចេញទៅឆ្ងាយមួយរយៈធំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះផងដែរ ពួកគេបាននិយាយអំពីរឿងរ៉ាវផ្សេងៗ និយាយលេងសើច និយាយផ្ដែផ្ដាំហ្វេន និង ចុងក្រោយពួកគេទាំង៤រូបដែលមាន RM V Jimin Jungkook បានឱនក្បាល ដើម្បីធ្វើការគោរពលាទៅកាន់អ្នកគាំទ្រទាំងឡាយដែលបានស្រឡាញ់គាំទ្រពួកគេកន្លងជាលើកចុងក្រោយមុននឹងចាកចេញបាត់មុខពីសិល្បៈមួយរយៈ។

លើសពីនោះ ពួកគេបានឱនជំរាបលាអ្នកគាំទ្រ ម្ដងម្នាក់ៗ ដែលកាន់តែធ្វើឲ្យអ្នកគាំទ្រកាន់តែមានអារម្មណ៍ក្ដុកក្ដួល ពិសេសនៅពេល RM លើកដៃគោរពដូចជាទាហ៊ាន។ គួរបញ្ជាក់ឲ្យដឹងដែរថា ពួកគេបានត្រៀមខ្លួនរួចរាល់ហើយនៅក្នុងការចូលជួរធ្វើជាទាហ៊ានបម្រើជាតិ ដែលវាជាកាតព្វកិច្ចជនជាតិកូរ៉េគ្រប់រូបដែលខកខានមិនបាន។

ជាពិសេស RM V Jungkook បានកាត់សក់ពួកគេរួចរាល់អស់ហើយ នៅឡើយតែ Jimin។ មិនតែប៉ុណ្ណោះ សមាជិក៣នាក់ទៀត ដែលមាន Jin Suga និង J-hope បានរងចាំពួកគេនៅក្នុងជួរទាហ៊ាន ដែលពួកគេអាចនឹងជួបជុំគ្នានៅក្នុងជួរកងទ័ពក៏ថាបាន៕

ប្រភព៖ HYPE LOVER

we’ll be right here waiting for you, my love ?

Posted by ???? ????? on?nbsp;

• វីដេអូ
• តារាកូរ៉េ