Angelina Jolie បង្ហាញអារម្មណ៍ ចង់រស់នៅប្រទេសកម្ពុជា

បរទេស៖ ថ្មីៗនេះ តារាសម្តែងស្រី Angelina Jolie បានបង្ហើបប្រាប់ថា នាងចង់ចាកចេញពីហូលីវូដ ទៅរស់នៅកន្លែងមួយ ដូចប្រទេសកម្ពុជា បន្ទាប់ពី បញ្ចប់ជម្លោះលែងលះជាមួយនឹងអតីតស្វាមី លោក Brad Pitt ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តាមរយៈប្រភពព័ត៌មាន តារាសម្ដែងស្រី Angelina Jolie បានបង្ហាញពីផែនការរបស់នាង ក្នុងការចាកចេញពីទីក្រុង Los Angeles នៅក្នុងបទសម្ភាសន៍ជាមួយទស្សនាវដ្តី WSJ ដែលបានចេញផ្សាយនៅថ្ងៃទី ៥ ខែធ្នូ ហើយតារាស្រីរូបនេះ បាននិយាយថា នាងចង់ចាកចេញពីទីក្រុង Los Angeles ហើយចំណាយពេលនៅក្នុងប្រទេសកម្ពុជា ដែលជាកន្លែង ដែលនាងបានសម្តែងក្នុងរឿង​«Lara Croft: Tomb Raider» និងបានចិញ្ចឹមកូនប្រុស Maddox ។

តែទោះជាយ៉ាងណាក៏ដោយ បច្ចុប្បន្ន Angelina មិនអាចផ្លាស់ទីទៅទីកន្លែងណាមួយ ដែលនាងចង់រស់នៅបានឡើយ ដោយសារតែនាងនៅតែស្ថិតក្នុងជម្លោះលែងលះ ជាមួយអតីតស្វាមី លោក Brad Pitt ខណៈដែល តារាស្រីរូបនេះ ក៏បានពន្យល់ថា នោះគឺជាផ្នែកនៃអ្វីដែលអាចនឹងកើតឡើងបន្ទាប់ពីការលែងលះ។ ហើយនាងក៏មិនទាន់អាចរៀបចំទីកន្លែង ដែលត្រូវធ្វើដំណើរដោយសេរីបានទេ ប៉ុន្តែនាងនឹងផ្លាស់ទី នៅពេលណាមួយ ដែលនាងអាចធ្វើបាន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ