សមាជិកម្នាក់របស់ X:IN ដែលជិតនឹងមកសម្ដែងនៅខ្មែរ កំពុងផ្ទុះការចាប់អារម្មណ៍នៅចិន ដោយសារតែស្រស់ស្អាតពេក

កូរ៉េខាងត្បូង៖ X:IN ជាក្រុមចម្រៀងនារីរបស់កូរ៉េខាងត្បូង មានសមាជិកទាំងអស់៥នាក់ ដែលចាប់ផ្ដើមបង្ហាញមុខក្នុងឆ្នាំ ២០២៣នេះ ដោយបទចម្រៀងដំបូងរបស់គេមានចំណងជើងថា "Keeping The Fire" ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចាត់ទុកថាពួកគេគឺជាក្រុមតារាចម្រៀងថ្មីមួយ ដែលមិនទាន់ទទួលបានសន្ទុះនៃការគាំទ្រខ្លាំង ប៉ុន្តែស្របគ្នានោះ សមាជិកម្នាក់ក្នុងក្រុមចម្រៀងនេះ ទទួលបានការចាប់អារម្មណ៍ជាខ្លាំង នៅប្រទេសចិន បន្ទាប់ពីបានឃើញសម្រស់របស់នាង។

សមាជិកម្នាក់នោះមានឈ្មោះថា ARIA កើតឆ្នាំ២០០៣ (អាយុ២០ឆ្នាំ) ដែលមានជនជាតិឥណ្ឌា ហើយមុខងាររបស់នាងនៅក្នុងក្រុមគឺជាអ្នករ៉េបផងដែរ។

នៅក្នុងបណ្ដាញសង្គម Weibo របស់ចិន ARIA ត្រូវបានគេលើកយកមកជជែកហូរហែ ដោយប្រជាជនចិនគិតថានាងពិតជាមានសម្រស់ស្រស់ស្អាត ប្លែកពីតារា KPOP ដទៃ ដោយឈ្មោះរបស់នាងជាប់ជា ប្រធានបទមានអ្នកស្វែងរកច្រើនជាងគេលំដាប់លេខ៤នៅលើ Weibo ដែលមានអ្នកចូលមើលជាង១០០លាននាក់ឯណោះ។

ចង់ជ្រាបច្បាស់ថានាងមានសម្រស់ស្រស់ស្អាតប៉ុណ្ណា សូមទស្សនារូបភាពខាងក្រោមនេះ៖  

ប្រភព៖: allkpop

• រូបភាព
• តារាកូរ៉េ