វីដេអូដែល Lay បានបង្ហោះចុងក្រោយគេនេះ ធ្វើឲ្យហ្វេនសង្ស័យថាអាចនឹងបង្ហាញមុខជាមួយ EXO វិញ?

ចិន៖ Zhang Yixing ឬយើងស្គាល់ថា Lay គឺសមាជិក EXO ម្នាក់ ដោយរូបគេបានប្រកាសចាកចេញពី SM Entertainment កាលពីឆ្នាំ២០២២ កន្លងទៅ បន្ទាប់ពីកុងត្រា១០ឆ្នាំបានបញ្ចប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ អនាគតរបស់ Lay ជាមួយ EXO ពិតជាស្រពេចស្រពិលណាស់ ទោះបីពុំមានការប្រកាសថា រូបគេលែងជាសមាជិក EXO ហើយប៉ុន្តែ Lay បានខកខានបង្ហាញមុខក្នុងក្រុម EXO តាំងពីឆ្នាំ ២០១៦ម៉្លេះ គឺពេល EXO ចេញបទ "Monster" គឺរូបគេមានមុខបង្ហាញនៅក្នុងវីដេអូចម្រៀង MV (បែបកាត់ត) ប៉ុន្តែពុំបានឡើងឆាកតន្ត្រីជាមួយក្រុមទេ។

គេជឿថា មូលហេតុដែល Lay មិនអាចបង្ហាញមុខជាមួយ EXO បានគឺមកពីភាពរកាំរកូសរវាង ចិននិងកូរ៉េខាងត្បូង ទើប Lay ខកខានបានបង្ហាញមុខជាមួយ EXO តាំងពីពេលនោះមក។

យ៉ាងណាមិញ ថ្មីៗនេះ Lay ស្រាប់តែមកបង្ហោះវីដេអូ Tiktok ដែលរូបគេបានរាំបទ "First Snow" របស់ EXO ដែលជា Challenge មួយ សម្រាប់អបអរដល់ព្រិលធ្លាក់ដំបូង ហើយក្នុងវីដេអូ រូបគេបានធ្វើសញ្ញាដៃថា "E-X-O" ផងដែរ។

វីដេអូនេះត្រូវបានអ្នកគាំទ្រចាប់អារម្មណ៍ណាស់ និងអ្នកខ្លះទៀតគិតថា Lay ទំនងជាអាចបង្ហាញខ្លួនជាមួយ EXO ឆាប់ៗនេះ ប៉ុន្តែអ្នកគាំទ្រខ្លះទៀតក៏គិតថា Lay គ្រាន់តែរាំរលឹកដល់អនុស្សាវរីយ៍ដែលរូបគេមានជាមួយ EXO ប៉ុណ្ណោះ៕  

ប្រភព៖: koreaboo

• រូបភាព
• តារាចិន
• តារាកូរ៉េ