អីយ៉ាស់! ស្ងាត់ៗ Selena ប្រកាសថាទាក់ទងគ្នា ជាមួយបុរសម្នាក់នេះ

អាមេរិក៖ Selena Gomez ត្រូវបានគេស្គាល់ថាជាតារាចម្រៀងដ៏ល្បីល្បាញមួយរូប ដែលមិនត្រឹមតែល្បីនៅក្នុងស្រុកទេ គឺទូទាំងពិភពលោកតែម្ដង ដោយជារឿយៗ អ្នកគាំទ្រតែងតែចាប់អារម្មណ៍ពីជីវិតឯកជនរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Selena ស្រាប់តែបានចេញមកបញ្ជាក់ថា នាងបានទាក់ទងគ្នាជាមួយលោក Benny Blanco ដែលជាផលិតករម្នាក់ មានអាយុ៣៥ឆ្នាំ ដោយគេឃើញថានាងបានបង្ហោះ Story នៅក្នុង Instagram ជាមួយបុរសម្នាក់នេះផងដែរ។

Selena បានបង្ហើបថានាងបានទាក់ទងគ្នាជាមួយ លោក Benny Blanco បានរយៈពេលកន្លះឆ្នាំមកហើយ ដោយបានហៅបុរសម្នាក់នេះថាជា "រឿងដ៏ល្អបំផុតដែលកើតឡើងក្នុងជីវិតនាង" ហើយ គេជាមនុស្សប្រុសល្អបំផុតតាមដែលនាងធ្លាប់បានទាក់ទង។

គួរបញ្ជាក់ផងដែរថា Selena Gomez ធ្លាប់មានទំនាក់ទំនងជាមួយ Justin Bieber, Nick Jonas, The Weeknd និង Zedd ជាដើម៕

ប្រភព៖: glamour

• រូបភាព
• តារាអន្តរជាតិ