ប្រុសសង្ហា Eunwoo បានជូនកាដូពិសេសមួយនេះ ទៅ Jungkook មុនពេលចូលហាត់ទាហាន

កូរ៉េខាងត្បូង៖ ជឿជាក់ថាប្រិយមិត្តដែលចូលចិត្តតាមដាន ក្រុមចម្រៀងបុរស BTS ដ៏ល្បីល្បាញប្រាកដជាដឹងហើយថា សមាជិកដូចជា RM, Jimin, Taehyung និង Jungkook នឹងចូលបំពេញកាតព្វកិច្ចហ្វឹកហាត់ទាហាន នាខែធ្នូនេះហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

RM ព្រមទាំង Taehyung នឹងចូលបម្រើនាថ្ងៃទី១១ខែធ្នូ ហើយ Jimin និង Jungkook នឹងចូលបម្រើនាថ្ងៃទី១២ខែធ្នូ។ បើនិយាយពី Jungkook វិញ មុនពេលចូលហាត់ទាហាននេះ រូបគេបានជួបជុំជាមួយមិត្តភក្តិជិតស្និទ្ធកើតឆ្នាំ៩៧ដូចគ្នាដូចជា Cha Eunwoo ដែលជារឿយៗគេតែងតែបានឃើញថា ពួកគេបានចេញដើរលេងជាមួយគ្នា និងមានទំនាក់ទំនងល្អណាស់។

ដោយឡែក Jungkook បាននិយាយនៅក្នុង Live របស់ Weverse ជជែកលេងជាមួយអ្នកគាំទ្រ និងបានបង្ហើបថា Eunwoo បានជូនកាដូមួយដ៏ពិសេសដល់គេ មុនពេលចូលហាត់ទាហាន គឺនាឡិកាដែលទាហានគេប្រើប្រាស់ អមជាមួយសំបុត្រជូនពរផងដែរ ដែលធ្វើឲ្យអ្នកគាំទ្រមានការជ្រួតជ្រួបនឹងមិត្តភាពតារាប្រុសពីរនាក់នេះ៕  

ប្រភព៖: koreaboo

• រូបភាព
• តារាកូរ៉េ