រូបភាពថ្មី Taylor ចេញមកផ្អែមល្ហែមជាមួយ Travis ធ្វើឲ្យអ្នកគាំទ្ររំភើបគ្រប់គ្នា

អាមេរិក៖ ដូចដែលប្រិយមិត្តបានជ្រាបហើយថា Taylor Swift ដែលជាតារាចម្រៀងផបដ៏ល្បីល្បាញ កំពុងមានជីវិតស្នេហាពណ៌ផ្កាឈូក បន្ទាប់ពីបានបញ្ជាក់ថាមានទំនាក់ទំនងស្នេហាជាមួយ Travis Kelce ដែលជាកីឡាករបាល់ឱប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជារឿយៗគេបានឃើញ Taylor ទៅលើកទឹកចិត្តគូស្នេហ៍ដល់ទីលានប្រកួត ជាក់ស្ដែងកាលពីថ្ងៃទី១១ខែធ្នូកន្លងទៅនេះ នាងក៏បានបង្ហាញខ្លួនក្នុងការប្រកួតរវាង Kansas City Chiefs ជាមួយនឹង Buffalo Bills ផងដែរ។

Kansas City Chiefs ដែលជាក្រុមរបស់ Travis Kelce បានចាញ់ Buffalo Bills ហើយ Taylor ត្រូវបានគេប្រទះឃើញថាបានលួងលោមមិត្តប្រុសខណៈពេលចាកចេញពីការប្រកួតជាមួយគ្នាផងដែរ។

ឥឡូវនេះ ស្រាប់តែរូបភាពមួយបានបង្ហោះពីគណនីរបស់ជាងកាត់សក់របស់ Travis បានបង្ហាញពីរូបភាព Taylor ឱបក Travis ស្អិតនិងថើបថ្ពាល់របស់គេផងដែរដែលបង្ហាញពីភាពផ្អែមល្ហែម៕

ប្រភព៖: today

• រូបភាព
• តារាអន្តរជាតិ