ខានជួបគ្នាជាង ២ខែ តែ Nicholas Tse ស្រាប់តែបង្ហាញទំនាក់ទំនងបែបនេះ ជាមួយគូស្នេហ៍

កម្សាន្ត៖ ថ្មីៗនេះ យោងតាមសារព័ត៌មាន Sina បានរាយការណ៍ថា តារាសម្ដែង លោក Nicholas Tse បានចូលរួមក្នុងព្រឹត្តិការណ៍ពាណិជ្ជកម្មមួយនៅទីក្រុងម៉ាកាវ ហើយនៅ​ក្នុង​កម្មវិធី​នោះ តារា​សម្ដែង​រូប​នេះ ក៏​បាន​ចែក​រំលែក​រឿង​ដ៏​គួរ​ឲ្យ​ចាប់​អារម្មណ៍​មួយ​ អំពី​រឿង​ស្នេហា​របស់​ខ្លួន​ ជាមួយ​នឹងគូស្នេហ៍ តារាស្រី Faye Wong ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាសម្តែងប្រុសរូបនេះ បាននិយាយថា ឆ្នាំនេះរូបលោក នៅតែមិនអាចប្រារព្ធពិធីបុណ្យណូអែលជាមួយមិត្តស្រីរបស់ខ្លួនបានឡើយ។ ខណៈដែលបច្ចុប្បន្ន តារាស្រី Faye Wong មិននៅហុងកុងនោះទេ។ ហើយមក​ដល់​ពេល​នេះ លោក​ Nicholas Tse និងគូស្នេហ៍ មិន​បានជួបជាង ២ ខែ​ទៅហើយ រួមទាំងបាន​ចែក​រំលែកទៀត​ថា​ ខ្លួនក៏មិន​ដឹងដែរ​ថា ​នឹង​អាច​ជួប​គ្នា​ជាមួយ​គូស្នេហ៍​នៅ​ពេល​ណា​នោះ​ទេ។

ម៉្យាងវិញទៀត កាលវិភាគ​ការងារ​បច្ចុប្បន្ន​ របស់​ពួកគេ​ទាំងពីរ​ គឺ​ខុស​គ្នា​ឆ្ងាយ​ណាស់ ហើយ លោក Nicholas Tse ក៏បានប្រាប់ថា ខ្លួនមានគម្រោងភាពយន្តជាច្រើន ដែលត្រូវទៅថតនៅហុងកុង។ តែទោះជាយ៉ាងណា តារាប្រុសរូបនេះ​ បានបញ្ជាក់​ថែមទៀតថា ទំនាក់ទំនង​បែប​ឆ្ងាយគ្នា​នេះ​ គឺមិន​ប៉ះពាល់​ដល់​ទំនាក់ទំនងស្នេហា​រវាង​លោក និង​គូស្នេហ៍របស់ខ្លួន នោះទេ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាចិន