Google ប្រកាសថា BLACKPINK ជាក្រុមចម្រៀងនារីដែលមានអ្នកចុចស្វែងរក ច្រើនជាងគេបំផុត គ្រប់ពេលវេលា

កូរ៉េខាងត្បូង៖ BLACKPINK មិនមែនត្រឹមតែជាក្រុមចម្រៀងនារីល្បីល្បាញក្នុងប្រទេសកូរ៉េខាងត្បូងទេ តែកេរ្តិ៍ឈ្មោះរបស់គេបន្តល្បីរន្ទឺនៅទូទាំងពិភពលោកទៅហើយ ដោយជារឿយៗ ក្រុមចម្រៀងនារីមួយនេះ តែងតែបានបំបែកកំណត់ត្រាពិសេសៗ និងទទួលបានពានរង្វាន់ជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នៅក្នុងវីដេអូរំលឹកខួប ២៥ឆ្នាំរបស់ Google គឺឈ្មោះរបស់ BLACKPINK ត្រូវបានគេលើកយកមកជជែកសាជាថ្មី ដោយ Google បានប្រកាសថា ពួកគេគឺជាក្រុមចម្រៀងនារីតែមួយគត់ ដែលមានអ្នកចុចស្វែងរកច្រើនបំផុត នៅលើ Google ដោយមិនមានក្រុមចម្រៀងនារីណាអាចធ្វើបានដូចនោះឡើយ។

គួរបញ្ជាក់ផងដែរថា BLACKPINK បានបង្ហាញមុខលើកដំបូងលើឆាកតន្ត្រី កាលពីឆ្នាំ២០១៦ ដោយមកទល់ពេលនេះ មានរយៈពេលតែ៧ឆ្នាំប៉ុណ្ណោះ ប៉ុន្តែពួកគេមានឥទ្ធិពលខ្លាំងទៅលើឆាកតន្ត្រី និងវិស័យសិល្បៈទៅហើយ៕

ប្រភព៖: allkpop

• រូបភាព
• តារាកូរ៉េ