ឃើញទំនងពេក តារាកូរ៉េ២នាក់ ទិញត្រយូងចេកទៅបកញុំាដូចផ្លែឈើ

កម្សាន្ត៖ កាលពីថ្មីៗនេះ មានវីដេអូមួយ ដែលទទួលបានការចាប់អារម្មណ៍ជាខ្លាំងពីអ្នកលេងបណ្ដាញសង្គម ដោយតារាកូរ៉េ២រូប មិនស្គាល់ផ្លែឈើរុក្ខជាតិមួយមុខដែលពេញនិយមនៅអាស៊ីគឺ ផ្លែត្រយូងចេក។ ជាមួយគ្នានេះ តារាប្រុសទាំង២បានដំណើរកម្សាន្តទៅឯប្រទេសហ្វីលីពីន ហើយពួកគេក៏បានចូលផ្សារនៅតំបន់មួយ ដែលគេមានលក់បន្លែផ្លែឈើ ស្រដៀងទៅនឹងផ្សារត្រីនៅខ្មែរដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់មកគេក៏ឃើញត្រយូងចេកហើយសួរអ្នកលក់ថា ជាអ្វី អ្នកលក់ថាវាជា Banana Heart ដែលបកប្រែថាជាត្រយូងចេកក្នុងភាសាខ្មែរ។ ពេលនោះ ពួកគេក៏ចាប់អារម្មណ៍ហើយស្មានតែគេញុំាធម្មតាបាន ក៏នាំគ្នាទិញយកទៅសាក ដល់ផ្ទះ​ បកសំបកញុំាយ៉ាងទំនង តែដល់ពេលដឹងរស់ជាតិហួសចិត្តតែម្ដង។

ក្រោយពីឃើញបែបនេះហើយ អ្នកលេងបណ្ដាញសង្គមនាំគ្នាអស់សំណើចជាខ្លាំង ដែលតារាកូរ៉េទាំង២មិនស្គាល់ ត្រយូងចេក ស្មានតែដូចផ្លែចេកអាចបរិភោគឆៅបាន។ គួរបញ្ជាក់ផងដែរថា ត្រយូងចេក ត្រូវបានគេចាត់ទុកថា ជាបន្លែសម្រាប់ធ្វើម្ហូប ដូចជា សម្លម្ជូរ ស្រុះធ្វើជាអន្លក់ និង ដុតជាមួយមាន់ផងដែរ។

ប្រភព៖ 이유진

• វីដេអូ
• តារាកូរ៉េ