ស្លៀករ៉ូបរឹបរាងអ៊ីចឹងទៅ Jennie បង្ហាញសម្រស់ចែងចាំង បែបនារីអភិជន

កូរ៉េខាងត្បូង៖ Jennie ដែលជាសមាជិកម្នាក់របស់ BLACKPINK គឺមិនត្រឹមជាតារាចម្រៀងដ៏មានទេពកោសល្យទេ ប៉ុន្តែនាងក៏ជាអ្នកបង្កើតស្ទាយ៍ថ្មីៗប្លែកៗ ដែលធ្វើឲ្យអ្នកគាំទ្រធ្វើត្រាប់តាមជារឿយៗ ហើយថាមិនជីវិតក្រោយឆាក ឬលើឆាក គឺតែងតែមានអ្នកចាប់អារម្មណ៍ពីនាងជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ Jennie បានចេញមកឆក់យកបេះដូងអ្នកគាំទ្រសាជាថ្មី បន្ទាប់ពីបានថតរូបផ្សាយឲ្យយីហោ JACQUEMUS របស់ប្រទេសបារាំង ដោយណែនាំកាបូបនិងស្បែកជើងថ្មីរបស់យីហោនេះ។

ក្នុងរូបភាពទាំងនេះ យើងឃើញថា Jennie បានស្លៀករ៉ូបរឹងរាង បញ្ចេញរាងដ៏ស្វ៊ែល និងសក់វែងពណ៌ខ្មៅគាបឡើងត្រង់ ពុះកណ្ដាលមើលទៅសាមញ្ញៗ តែនៅតែជះចំហាយបែបនារីអភិជន ដោយក្នុងនោះក៏បានថតរួមជាមួយសុនខផងដែរ៕  

ប្រភព៖: allkpop

• រូបភាព
• តារាកូរ៉េ