តួឯកប្រុស Yoo Ah In បង្ហាញមុខជាលើកដំបូងក្រោយចោទប្រកាន់ជាច្រើនករណី

កូរ៉េខាងត្បូង៖ កាលពីថ្ងៃទី១២ ខែធ្នូ ឆ្នាំ២០២៣ កន្លងទៅនេះ​ តារាសម្ដែងប្រុស Yoo Ah In បានបង្ហាញខ្លួននៅឯតុលារកណ្ដាលនៃទីក្រុងសេអ៊ូល ដោយលោកទទួលរងការចោទប្រកាន់ជាច្រើនករណី ដែលនៅក្នុងនោះ រួម​មាន​ការ​ប្រើ​ប្រាស់​គ្រឿង​ញៀន​ជា​ទម្លាប់ ការ​ជក់​បារី និង​ការ​ញុះញង់​ឱ្យ​មាន​ការ​បំផ្លិចបំផ្លាញ​ភ័ស្តុតាង ការ​បំពាន​ច្បាប់​សេវា​វេជ្ជ​សា​ស្រ្ត និង​ការ​ក្លែង​បន្លំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ តារាសម្ដែង Yoo Ah In បង្ហាញខ្លួនជាមួយនឹងអាវធំពណ៌ខ្មៅ ព្រមទាំងមានសក់វែង ទឹកមុខស្លក់មើលសឹងតែចំណាំមិនបាន។ ទន្ទឹមនឹងនោះដែរ លោកបាននិយាយសុំទោសទៅកាន់មហាជនថា "ខ្ញុំ​សុំទោស​ដែល​បង្ក​ឲ្យមានការ​ព្រួយ​បារម្ភ​ដល់អ្នកគ្រប់គ្នា"។

លោកបានបន្ថែមទៀតថា លោក​នឹង​ចូលរួម​សហការដោយភាព​ស្មោះត្រង់​ក្នុង​ដំណើរការ​តេស្ដតាមសមត្ថភាពដែលលោកអាចធ្វើបាន។ ហើយរូបលោកក៏​សូមការ​អភ័យទោស​ម្តង​ទៀត​ ដែលធ្វើឲ្យអ្នកគ្រប់គ្នាខកចិត្ត។

គួរបញ្ជាក់ផងដែរថា Yoo Ah In ប្រឈមមុខនឹងការចោទប្រកាន់លើការរក្សាទុកថ្នាំ propofol 181 ដង ចាប់ពីខែកញ្ញា ឆ្នាំ 2020 ដល់ខែមីនា ឆ្នាំបន្ទាប់ និងបានចេញវេជ្ជបញ្ជា និងទទួលថ្នាំងងុយគេងដោយខុសច្បាប់ក្នុងឈ្មោះអ្នកដ៏ទៃ ពីខែឧសភា ឆ្នាំ 2021 ដល់ខែសីហា ឆ្នាំដដែល៕

ប្រភព៖ allkpop

• រូបភាព
• តារាកូរ៉េ