វ័យកាន់តែច្រើនហើយមែន តែសម្រស់ សៀវ ឡុងនី នៅតែស្រស់ស្អាត ដូចព្រះនាង

កម្សាន្ត៖ កាលពីថ្មីៗកន្លងទៅនេះ តារាសម្ដែងស្រីដ៏ល្បីល្បាញ Liu Yifei ស្រាប់តែបានចេញមកបង្ហោះរូបថតជាបន្តបន្ទាប់នៅលើទំព័រផ្ទាល់ខ្លួនរបស់នាង ដែលបានទៅកម្សាន្តប្រទេសថៃ ខណៈដែលភ្លាមៗនោះ រូបថតទាំងនេះ ក៏ទទួលបានការចាប់អារម្មណ៍ពីអ្នកគាំទ្រយ៉ាងឆាប់រហ័ស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបភាពដែលបានចែករំលែក តារាសម្ដែងស្រី Liu Yifei បានបង្ហាញពីសម្រស់ ដោយបានស្លៀកសម្លៀកបំពាក់សាមញ្ញ ប៉ុន្តែនៅតែបញ្ចេញនូវភាពស្រស់ស្អាត និងលេចធ្លោខ្លាំង លើសពីនេះ រូបនាងក៏បានធ្វើឲ្យអ្នកគាំទ្ររំភើបចិត្តជាខ្លាំង នៅពេលដែលបង្ហាញពីភាពសប្បាយរីករាយ និងគួរឲ្យស្រលាញ់បំផុតក្នុងជីវិតប្រចាំថ្ងៃរបស់ខ្លួនក្នុងវ័យ ៣៦ឆ្នាំ។

ជាពិសេស ក៏មានការរាយការណ៍ថា មានអ្នកធ្វើដំណើរឆ្លងកាត់ដោយចៃដន្យ បានជួប តារាស្រី Liu Yifei នៅមជ្ឈមណ្ឌលផ្សារទំនើបមួយ ក្នុងទីក្រុងបាងកក ថា តារាស្រីរូបនេះ គឺពិតជាស្រស់ស្អាតណាស់នៅក្នុងជីវិតពិត ហើយមុខទទេរក៏ស្អាតខ្លាំង សឹងតែមិនហ៊ានចូលជិត ដើម្បីថតរូបនាង ទៀតផង ខណៈដែលការចែករំលែកនេះ បានធ្វើឲ្យអ្នកគាំទ្រជាច្រើន បានសម្តែងការច្រណែនចំពោះម្ចាស់រូបថត ដោយសារតែមានសំណាងបានជួប Liu Yifei ដោយផ្ទាល់ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាចិន