កាន់តែផ្អែមល្ហែម ចៀវៃ បង្ហើបរឿងដែលស្វាមី បានសុំរៀបការកាលពី ៧ឆ្នាំមុន

ចិន៖ ថ្មីៗនេះ នៅក្នុងពេលដែលបានចូលរួមក្នុងកម្មវិធីមួយ តារាសម្ដែងស្រី Ruby Lin បានបង្ហាញរឿងរ៉ាវrរបស់ខ្លួនកាលពីមុន ខណៈដែលស្វាមីរបស់នាង ដែលជាតារាសម្ដែង លោក Wallace Huo បានសុំនាងរៀបការកាលពី ៧ ឆ្នាំមុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាស្រីរូបនេះ បានបន្តថា នៅល្ងាចមួយ ពេលដែលនាងបានត្រឡប់មកផ្ទះវិញ ឃើញភ្លើង និងក្លិនភ្លើងនៅខាងក្នុង នាងបានប្រញាប់រត់ទៅផ្ទះបាយ ព្រោះគិតថាចង្ក្រានហ្គាសមិនទាន់រលត់។ តែខណៈពេលនោះ  ស្រាប់តែមិត្តភក្តិរបស់នាង​ បានរត់ចេញមកក្រៅ ធ្វើឱ្យនាងភ្ញាក់ផ្អើលយ៉ាងខ្លាំង បន្ទាប់មក នាងបានឃើញ លោក Wallace Huo បានអុជទៀន និងរៀបចំឈុតស្នេហា ដើម្បីស្នើរសុំរៀបការ។

មិនត្រឹមតែប៉ុណ្ណោះ តារាស្រី Ruby Lin ក៏បានបង្ហើបទៀតថា អ្នក​ទាំង​ពីរ​ បានស្គាល់​គ្នា​១០​ឆ្នាំ​ ហើយបានស្រលាញ់​គ្នា​កន្លះ​ឆ្នាំ ​មុន​សម្រេច​ចិត្ត​រៀបការ។ ជាពិសេស នៅក្នុង​អំឡុង​ពេល​ទាក់ទងគ្នាយ៉ាងសម្ងាត់ ពួក​គេ​មិន​ដែល​ចាប់​ដៃ​គ្នា បង្ហាញជា​សាធារណៈ​នោះឡើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន