ធ្លាយរូបភាពដំបូងរបស់ Jungkook និង Jimin ពេលចូលហាត់ទាហាន

កូរ៉េខាងត្បូង៖ ដូចដែលប្រិយមិត្តអ្នកតាមដានវិស័យ Kpop បានជ្រាបហើយថា សមាជិកក្រុម BTS ដ៏ល្បីឈ្មោះចំនួនបួនរូបគឺ RM, Jimin, Taehyung និង Jungkook បានលាអ្នកគាំទ្រ និងចូលបម្រើក្នុងជួរកងទ័ពជាផ្លូវការហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ RM និង Taehyung បានចូលហាត់ទាហានចាប់ពីថ្ងៃទី១១ខែធ្នូ ខណៈដែល Jimin និង Jungkook ចូលហាត់នាថ្ងៃទី១២ខែធ្នូ ដោយមកទល់ពេលនេះមានរយៈពេលជាងមួយសប្តាហ៍ហើយ។

សមាជិកក្រុម BTS ទាំងបួននាក់នេះបានសំណូមពរឲ្យអ្នកគាំទ្រកុំមកបង្ហាញខ្លួនក្នុងថ្ងៃដែលពួកគេចូលហាត់ទាហាន ដើម្បីកុំឲ្យមានភាពជ្រួលច្របល់ដល់អ្នកដទៃ ប៉ុន្តែថ្មីៗនេះ មានរូបភាពពីរសន្លឹករបស់សមាជិក Jimin និង Jungkook បែកធ្លាយនៅលើអ៊ីនធើណេត។

នេះជារូបភាពដំបូងរបស់ Jimin និង Jungkook អំឡុងពេលចូលហាត់ទាហាន ដោយពួកគេទាំងពីរតម្រូវឲ្យកោរសក់និងស្លៀកពាក់ឯកសណ្ឋានផងដែរ ហើយក្នុងរូបភាពទាំងពីរនោះ អ្នកទាំងពីរដូចជាកំពុងអង្គុយស្ដាប់នរណាម្នាក់និយាយយ៉ាងអ៊ីចឹង៕  

ប្រភព៖: allkpop

• ចម្រៀង
• រូបភាព
• តារាកូរ៉េ