លោកយាយ៨២ឆ្នាំម្នាក់ ទៅប្រឡងតេស្ដសមត្ថភាពចូលរៀនមហាវិទ្យាល័យ

កូរ៉េខាងត្បូង៖ ថ្មីៗនេះ មានរឿងមួយដ៏គួរឲ្យចាប់អារម្មណ៍ដែលបានកើតឡើងនៅប្រទេសកូរ៉េខាងត្បូង ដោយលោកយាយអាយុ ៨២ឆ្នាំ ម្នាក់ បានទៅប្រឡងសមត្ថភាព CSAT ដើម្បីចូលរៀននឹងគេ។ បើយោងតាមប្រភពបានឲ្យដឹងថា លោកយាយ Kim Jeongja មានគោលបំណងយ៉ាងមុតមាំក្នុងការរៀនបន្ដ ដើម្បីអនាគតកូនទាំង៣នាក់របស់លោកយាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ការប្រឡង CSAT ដែលមានពាក្យពេញថា College Scholastic Ability Test ដែលជាការប្រឡងដ៏ធំបំផុតនៅក្នុងជីវិតប្រជាជនកូរ៉េខាងត្បូង ដូចនេះ លោកយាយ ចង់សម្រេចបំណងរបស់ខ្លួន ដែលខិតខំប្រឹងប្រែងរៀនសូត្របន្ដក្រោយពីផ្លាស់មកនៅប្រទេសនេះ។

មិនតែប៉ុណ្ណោះ លោកថែមទាំងចេះនិយាយភាសាអង់គ្លេសថែមទៀតផង ហើយលោកយាយតែងតែរៀនសូត្របើទោះបីជាអាយុខ្លួនចាស់ក៏ដោយ។ ចំណែកឯ ពេលប្រឡងវិញ លោកយាយ Kim Jeongja បានប្រាប់ថា មានលំហាត់ខ្លះធ្វើមិនចេញនោះទេ ប៉ុន្ដែខ្លួនក៏សប្បាយចិត្តដែលបានសម្រេចក្ដីសុបិន្តមួយនេះ ទោះលទ្ធផលយ៉ាងណាក៏ទទួលយក៕

ប្រភព៖ Koreaboo

• រូបភាព
• តារាកូរ៉េ