មកមើលរូបភាពថ្មីរបស់ Lisa ជះរាងឡូយ ក្នុងឈុតក្រឡាខ្លារខិន

ថៃ៖ Lisa ដែលជាសមាជិកម្នាក់របស់ក្រុម BLACKPINK តែងតែក្លាយជាចំណាប់អារម្មណ៍របស់មហាជន មិនថានៅលើឆាកតន្ត្រី ឬជីវិតខាងក្រៅឆាកនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីថ្មីៗកន្លងទៅនេះ Lisa បានបង្ហាញវត្តមានក្នុងកម្មវិធីសម្ពោធហាងថ្មីរបស់ CELINE នាទីក្រុងបាងកក ប្រទេសថៃ ដែលជាប្រទេសកំណើតរបស់នាងតែម្ដង។

ក្នុងនោះ គេសង្កេតឃើញថា ផ្ទុយពីការតុបតែងខ្លួនបែបនារីៗគួរឲ្យស្រលាញ់ដូចចូលរួមព្រឹត្តិការណ៍ផ្សេងៗនាពេលកន្លងមក Lisa បែរជាតុបតែងខ្លួនបែបសាមញ្ញ ជាមួយសក់សក់កាត់ខ្លីត្រឹមស្មា មូររួញៗ ទម្លាក់សក់សេះដែលជាស្ទាយ៍ប្រចាំខ្លួនរបស់នាង ដោយពាក់អាវក្រឡាខ្លារខិន ពីខាងក្រៅ ដោយមានអាវបែបស្បៃៗរំយ៉ាៗពីខាងក្នុង គូជាមួយសំពត់ខ្លីរឹបរាង ក្រឡាដូចគ្នាតែម្ដង។

ភ្លាមៗ បន្ទាប់ពីមានការចែករំលែករូបភាពរបស់នាងទាំងនេះ អ្នកគាំទ្របានកោតសរសើរថា Lisa ពិតជាស្រស់ស្អាត អាចលេងស្ទាយ៍បែបហ្វេហ្សិន ក៏បាន បែបអភិជនក៏បាន៕  

ប្រភព៖: allkpop

• រូបភាព
• តារាថៃ
• តារាកូរ៉េ