កំពុងសង្ស័យថាទាក់ទងគ្នាផង ពេលនេះ Aff និង Nonkul បានបង្ហាញរូបភាពដ៏ផ្អែមល្ហែមមួយនេះ

ថៃ៖ ចាប់តាំងពីមានការទម្លាយថា កំពុងចែចង់គ្នាមក សម្រាប់តារាស្រី Aff Taksaorn និង តារាប្រុស លោក Nonkul តែងតែមានពេលវេលាផ្អែមល្ហែម ឱ្យអ្នកគាំទ្រតាមដាន និងរីករាយជាមួយគ្នា ជាបន្តបន្ទាប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះដែរ នៅក្នុងថ្ងៃដំបូងនៃការចាក់ផ្សាយភាគដំបូងរបស់អ្នកទាំងពីរ តារាប្រុស លោក Nonkul ក៏បានបង្ហោះរូបថតជាមួយតារាស្រី Aff ពោរពេញដោយភាពរីករាយ ពេលដែលអ្នកគាំទ្របានឃើញភាពផ្អែមល្ហែមក្រៅឆាក របស់អ្នកទាំងពីរ ទៀតផង។ 

ជាងនេះទៅទៀត នៅក្នុងបណ្តាញទំនាក់ទំនងសង្គមអនឡាញ ក៏មានការចែករំលែករូបភាពរបស់ Nonkul ដើរលេងជាមួយមិត្តភក្តិមួយក្រុមធំ ហើយត្រូវបានគេ​រំពឹង​ថា​ តារាប្រុសរូបនេះនឹង​នាំ​តារា​ស្រី Aff ទៅ​ណែនាំ​ដល់មិត្តភ័ក្តិ​ផង​ដែរ បើទោះបីជា មានស្ទីកគ័រនៅលើមុខរបស់មនុស្សស្រីម្នាក់ ដែលត្រូវបានបិទបាំងក៏ដោយ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ