គួរអរឬអន់ចិត្ត បើ Justin Bieber សរសើរភរិយាថាក្លិនក្រអូបដូចតារាស្រីរូបនេះ

កម្សាន្ត៖ ថ្មីៗនេះ តារាចម្រៀងប្រុសដ៏ល្បីល្បាញ ​Justin Bieber បានធ្វើឲ្យកក្រើកបណ្ដាញអ៉ិនធើណែតតាមរយៈសម្ដីរបស់លោកមួយម៉ាត់ដែលនិយាយទៅកាន់ភរិយាដ៏ស្រស់ស្អាត Hailey។ នៅក្នុងនោះ អ្នកលេងបណ្ដាញសង្គមបានចែករំលែកថា Justin សរសើរភរិយាថា នាងមានក្លិនក្រអូបដូចតារាចម្រៀងស្រីដ៏ល្បីមួយរូប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពបានឲ្យដឹងថា តារាប្រុសរូបនេះ បានបង្ហាញវត្តមាននៅក្នុងកម្មវិធី The Ellen Show ដែលលោកបានទម្លាយអារម្មណ៍លោកថា Hailey មានក្លិនម៉្យាងដែលក្រអូបធម្មជាតិ ដូចក្លិនរបស់ Ariana Grande ដែលជាមិត្តរួមសិល្បៈដ៏ជិតស្និទរបស់លោក។

គួរបញ្ជាក់ផងដែរថា តាមពិតទៅ Justin និយាយបែបនេះ ក៏ព្រោះតែ Hailey បានប្រើប្រាស់ទឹកអប់ដែលជាប៊្រេនរបស់ Ariana ផ្ទាល់ ហើយនាងជ្រើសរើសប្រើក្លិនដូចគ្នាទៀត វាមិនចម្លែកទេដែលនាងមានក្លិនក្រអូបបែបនេះដូចគ្នាធ្វើឲ្យស្វាមីខ្លួនដក់ជាប់ចិត្តបែបនេះ៕

ប្រភព៖ Showbiz

• រូបភាព
• តារាអន្តរជាតិ