រូបភាពថ្មី Song Joong Ki ចេញមកបណ្ដើរភរិយា តាមផ្លូវ ឡើងផ្អែមល្ហែម

កម្សាន្ត៖ ថ្មីៗនេះ តាមរយៈប្រព័ន្ធផ្សព្វផ្សាយ Sohu បានរាយការណ៍ថា មានអ្នកគាំទ្រជនជាតិចិនម្នាក់ បានថតរូបភាព តារាសម្ដែង លោក Song Joong Ki និងភរិយា Katy Louise Saunders ដែលបាននាំកូនប្រុសដំបូងរបស់ពួកគេ ដើរកម្សាន្តតាមផ្លូវក្នុងទីក្រុងរ៉ូមប្រទេសអ៊ីតាលី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ បានបង្ហាញឲ្យឃើញថា ប្ដីប្រពន្ធមួយគូនេះ បានតុបតែងខ្លួនស្លៀកពាក់​សាមញ្ញ​ និងបាន​ជជែក​គ្នា​យ៉ាង​សប្បាយ​រីករាយ​ពេល​ដើរ​លេង ខណៈដែល លោក Song Joong Ki បានជួយភរិយារបស់ខ្លួនរុញរទេះកូន ទៀតផង។

បន្ទាប់ពីបានឃើញ វីដេអូ​ដែលបាន​ថត​ពីជីវិត​ប្រចាំ​ថ្ងៃ​របស់​គ្រួសារ លោក Song Joong Ki ហើយមក​ ក៏បានធ្វើឲ្យអ្នក​លេង​អ៊ីនធឺណិត​ជាច្រើន បាន​សម្ដែង​ការ​កោត​សរសើរ ​ចំពោះ​អាពាហ៍ពិពាហ៍​ដ៏​មាន​សុភមង្គល​របស់តារាប្រុស រូបនេះ ព្រមទាំងភរិយា ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាកូរ៉េ