Nonkul បង្ហើបច្បាស់ៗថា ចង់រៀបការជាមួយនឹង Aff

ថៃ៖ កាន់តែធ្វើឲ្យអ្នកគាំទ្រមានក្ដីរំភើបយ៉ាងខ្លាំង ក្រោយពីបានឃើញភាពស្និទ្ធស្នាលជាបន្តបន្ទាប់ ពីតារាសម្ដែងស្រី Aff Taksaorn និង តារាប្រុសវ័យក្មេង Nonkul ដែលបានបង្ហោះរូបភាពជាមួយគ្នាយ៉ាងរីករាយ បន្ទាប់ពីមានការទម្លាយថា កំពុងចែចង់គ្នាមក រហូតធ្វើឲ្យហ្វេនៗជូនពរនិងសង្ឃឹមថាក្លាយជាការពិត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែទោះជាយ៉ាងណា រឿងរ៉ាវរបស់ដៃគូសម្ដែងដ៏ផ្អែមល្ហែមមួយគូនេះ នៅតែទាញយកការចាប់អារម្មណ៍សាជាថ្មី ជាពិសេស ថ្មីៗនេះ តារាសម្ដែងប្រុស លោក Nonkul ស្រាប់តែបង្ហាញភាពភ្ញាក់ផ្អើល ដោយបាន​ចេញ​មក​បើក​ចំហ​ ឲ្យ​សារព័ត៌មាន​ទាំង​ញញឹម​រីករាយ។

ជាមួយគ្នានេះដែរ តារាសម្ដែងប្រុសរូបនេះ បានត្រៀម​និយាយយ៉ាង​ច្បាស់លាស់​ថា តារាស្រី Aff គឺជា​មនុស្ស​ដែល​ខ្លួន​ចង់​រៀបការ ព្រមទាំងបានរៀបចំគម្រោងទុក មិនលើសពី ៣ ឆ្នាំនោះទេ ខណៈដែលក្នុងនោះរូបលោក ថែមទាំងបានប្រាប់ថា នៅពេលនេះលោកអាចនិយាយដោយស្មោះត្រង់ នាងគឺជា​មនុស្ស​ដែល​លោក​ចង់​រៀប​ការ៕

ប្រភព៖​ Sanook

សូមទស្សនារូបភាពខាងក្រោម៖ 

• រូបភាព
• តារាថៃ