កក្រើកអ៉ិនធើណែត Idol Rapper កូរ៉េម្នាក់ ត្រូវបានគេចោទប្រកាន់ថា ថតវីដេអូ អតីតមិត្តស្រីកំឡុងពេល...

កូរ៉េខាងត្បូង៖ កាលពីថ្ងៃទី២២ ខែធ្នូ ថ្មីៗនេះ Munhwa Ilbo បានរាយការណ៍ថា អតីតតារាល្បីរូបនេះ កំពុងត្រូវបានចោទប្រកាន់ថា បានថតវីដេអូដោយគ្មានការអនុញ្ញាតលើរាងកាយរបស់អតីតមិត្តស្រី ហើយបានថតកំពុងពេលពួកគេកំពុងរួមភេទផងដែរ។

បើយោងតាមរបាយការណ៍​បញ្ជាក់​ថា តារា​រូប​នេះ​បាន​ណាត់​ជួប​អតីត​មិត្ត​ស្រី​ចាប់ពី​ខែ​កក្កដា ឆ្នាំ​២០២២ ដល់​ខែ​ឧសភា ឆ្នាំ​២០២៣មកម្ល៉េះ រីឯខាង ប៉ូលីស Yongsan បានបង្ហាញឱ្យដឹងថា អតីត idol បានបញ្ចុះបញ្ចូលមិត្តស្រីខ្លួនឱ្យពាក់ក្រណាត់បិទបាំងភ្នែក មុនពេលលួចថតដោយសម្ងាត់ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ តារា​រូប​នេះ ​ក៏​ត្រូវ​បាន​គេ​ចោទ​ប្រកាន់​ថា​បាន​លួចថតខោក្នុងរបស់​នារី​ម្នាក់​ទៀតខណៈពេលនាងស្លៀកខ្លី ហើយរូបលោកក៏បានណាត់ជួបនារីនៅបារជាញឹកញយ។

 បើ​តាម​អតីត​មិត្ត​ស្រី​របស់ idol រូប​នេះ​ លោកបានចេញមុខសុំទោសនាងរួចហើយ ប៉ុន្ដែនាងនូវខឹងសម្បារព្រោះតែលោកនៅចង់ឲ្យនាងទុកមុខឲ្យដោយការដកពាក្យបណ្ដឹង ដោយខ្លួននៅតែចង់បង្ហាញមុខក្នុងកម្មវិធីកម្សាន្ត Verity show និង ចង់ Live Stream ទៀតផង។

គួរបញ្ជាក់ឲ្យដឹងថា អតីត​មិត្ត​ស្រី​របស់​តារា​ចម្រៀង​រូប​នេះ ​ត្រូវ​បាន​គេ​និយាយ​ថា​កំពុង​រង​ទុក្ខ​វេទនា​ខាង​ផ្លូវ​ចិត្ត ហើយ​កំពុង​ទទួល​ការ​ព្យាបាល​ជំងឺរងរបួសផ្លូវចិត្តធ្ងន់ធ្ងរផងដែរ។ ដោយឡែក គេនៅមិនទាន់បង្ហាញមុខជនជាប់ចោទ ដែលត្រូវបានគេស្គាល់ថា ជាតារារ៉េបដ៏ល្បីល្បាញនៅកូរ៉េនៅឡើយទេ៕

ប្រភព៖ Koreaboo

• រូបភាព
• តារាកូរ៉េ