កូរ៉េខាងត្បូង៖ ថ្មីៗនេះ គូស្វាមីភរិយាដែលជាតារាសម្ដែងកូរ៉េដ៏ល្បីល្បាញ Kang Sung Yeon និង Kim Ga On បានប្រកាសលែងលះជាសាធារណៈ ធ្វើឲ្យមហាជនមានការភ្ញាក់ផ្អើលជាខ្លាំង ដោយអ្នកទាំងពីរបានរៀបការរួមរស់ជាមួយគ្នាអស់រយៈ១១ឆ្នាំមកហើយ។
មិនតែប៉ុណ្ណោះ អ្នកទាំងពីរថែមទាំងមានបុត្រជាមួយគ្នា២នាក់ទៀតផង មកដល់ពេលនេះ បែរជាប្រកាសចែកផ្លូវគ្នា ពិតជាគួរឲ្យសោកស្ដាយ និង អាណិតកូនៗមែនទែន។ ចំណែកឯ មូលហេតុបង្កឲ្យមានការលែងលះនេះ គឺព្រោះតែពួកគេ រស់នៅមិនចុះសម្រុងគ្នា ដោយមានចរិតលក្ខណៈខុសគ្នាច្រើនយ៉ាង ហើយលើកនេះ វាបានលើសព្រំដែនខ្លាំង។
បើនិយាយពីកូនៗវិញ Kang Sung Yeon និង Kim Ga On បានចែកកូនគ្នាម្នាក់មួយ ដែលធ្វើឲ្យកូនៗពួកគេរស់នៅបែកគ្នា។ គួរបញ្ជាក់ដែរថា Kang Sung Yeon គឺជាតារាសម្តែងស្រីដ៏មានប្រជាប្រិយភាពមួយរូប ដែលបានសម្តែងក្នុងរឿង K-Dramas, Happy Together, Three Guys And Three Girls, និង Wife Returns៕
ប្រភព៖ koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
