លេងសើចយ៉ាងម៉េចកើត YG ធ្លាក់ចំណូលអស់៦៤លានដុល្លារ ក្រោយ G-Dragon ចាកចេញ

កម្សាន្ត៖ ជាការពិតណាស់​ ថ្មីៗនេះដំណឹងនៃការចាកចេញរបស់តារាចម្រៀងដ៏មានឥទ្ធិពល G-Dragon ដែលលោកបានផ្ដាច់កុងត្រាជាមួយផលិតកម្មចាស់ YG Entertainment ហើយទៅជ្រកក្រោមទ្រនំថ្មី បានធ្វើឲ្យកក្រើកពេញបណ្ដាញសង្គមរហូតដល់ធ្វើឲ្យមានការបើកសន្និសិទ្ធកាសែតពាក់ព័ន្ធនឹងដំណឹងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ តារាចម្រៀងប្រុសរូបនេះ ក៏បានប្រកាសដែរថា ខ្លួននឹងបន្ដដំណើរជាមួយនឹងផលិតកម្មថ្មី Galaxy Corporation។ ដំណឹងនេះ បានធ្វើឲ្យប៉ះពាល់ដល់ភាគហ៊ុនទីផ្សាររបស់ផលិតកម្ម YG ជាខ្លាំង​ ដែលធ្វើឲ្យធ្លាក់ចុះ បាត់បង់ចំណូលដល់ទៅរាប់លានដុល្លារ។

ដោយយោងតាមប្រភពបានឲ្យដឹងថា YG បានបាត់បង់ចំណូលដល់ទៅ៦៤លានដុល្លារ ហើយក៏នឹងនៅតែបន្ដធ្លាក់រហូត ក៏ព្រោះតែអវត្តមានរបស់ G-Dragon។ លើសពីនេះ វាមិនមែនជាលើកទី១ទេ ដែលភាគហ៊ុនក្រុមហ៊ុននេះធ្លាក់ចុះដោយសារ GD ដែលលើកមុនដំណឹងដែលថា តារារូបនេះ មិនបន្ដកុងត្រានោះ ភាគហ៊ុនធ្លាក់ចុះបាត់បង់ចំណូលដល់ទៅ១៣០លានដុល្លារឯណោះ៕

ប្រភព៖ allkpop

• រូបភាព
• តារាកូរ៉េ